Այսօր՝ հունիսի 20-ին, խոշոր ավտովթար է տեղի ունեցել Արարատի մարզում: Մասիս քաղաքի Հերացի փողոցի 15 հասցեի մոտ՝ «Մորենա» ռեստորանային համալիրի հարևանությամբ, «Tesla» մակնիշի ավտոմեքենան բախվել է բազալտե եզրաքարերին։ Կան տուժածներ, հաղորդում է Shamshyan.com-ը:
Մինչ հրշեջների և «Մասիս» բժշկական կենտրոնի շտապօգնության ժամանումը, քաղաքացիները օգնություն են ցուցաբերել մեքենայում գտնվող՝ Մասիս քաղաքի բնակիչներ 23-ամյա Լևոն Աբգարյանին և 23-ամյա Արման Մարտիրոսյանին:
Վերջիններս քաղաքացիների օգնությամբ տեղափոխվել են «Մասիս» բժշկական կենտրոն:
