Հետաքննությունը դատաբժշկական փորձաքննություններ կանցկացնի Crocus City Hall-ում տեղի ունեցած ահաբեկչության բոլոր տուժածների բուժումից հետո, նշվում է РИА Новости-ի տրամադրության տակ եղած դատական պաշտոնական փաստաթղթերում։
Ավելի վաղ դատարանի որոշումներից հայտնի էր դարձել, որ տուժող է ճանաչվել և հարցաքննվել ավելի քան 1700 մարդ, իսկ որպես վկա՝ ավելի քան 800 մարդ։ Կատարվել է ավելի քան 20 խուզարկություն, դեպքի վայրի ավելի քան 65 զննություն, նշանակվել է ավելի քան 650 դատական փորձաքննություն, այդ թվում՝ դատաբժշկական, բալիստիկ, գենետիկական, հրշեջ-տեխնիկական, ինժեներաշինարարական, մատնահետքերի և այլ փորձաքննություններ։
Այս գործով Մոսկվայում 12 մարդ է ձերբակալվել։ Ենթադրյալ հանցագործներից չորսին մեղադրանք է առաջադրվել կազմակերպված խմբի կազմում մահվան ելքով ահաբեկչություն կատարելու մեջ (ՌԴ Քրեական օրենսգրքի 205-րդ հոդվածի 3-րդ մասի «բ» կետ), իսկ մնացածներին՝ այս հանցագործության կատարմանը մեղսակից լինելու մեջ։
Մերձմոսկովյան Կրասնոգորսկ քաղաքի Crocus City Hall համերգասրահում ահաբեկչությունը տեղի է ունեցել մարտի 22-ին. հարձակվողները ինքնաձիգներից կրակ են բացել շենքում գտնվող մարդկանց վրա և այրել դահլիճը։ Զոհվել է 145 մարդ։
