Կիրակի օրը Խաղաղ օվկիանոսում՝ Կուրիլյան կղզիների հարավային ափերի մոտ, 5,2 մագնիտուդով երկրաշարժ է տեղի ունեցել, «ՌԻԱ Նովոստի»-ին հայտնել է Յուժնո-Սախալինսկի սեյսմիկ կայանի ղեկավարը:
Հուլիսի 21-ին՝ ժամը 15.27-ին (Մոսկվայի ժամանակով 07.27-ին) գրանցվել է 5,2 մագնիտուդով երկրաշարժ, որի էպիկենտրոնը գտնվել է Կուրիլյան կղզու Գոլովնինո գյուղից 110 կիլոմետր հարավ, օջախը 45 կիլոմետր խորության վրա»,- ասել է գործակալության զրուցակիցը։
Սեյսմոլոգը նշել է, որ ցունամիի վտանգ չի հայտարարվել։
