ՀՀ քննչական կոմիտեի 10-ամյա հոբելյանի շրջանակներում կազմակերպվել է ՀՀ քննչական կոմիտեի ծառայողների երեխաների ստեղծագործական աշխատանքների ցուցահանդես։
Ցուցահանդեսը տեղի է ունեցել Գեղարքունիքի մարզկենտրոն Գավառում՝ Լևոն Քալանթարի անվան դրամատիկական թատրոնի շենքում։
Ներկայացվել է 15 երեխայի 42 նկարչական, քանդակագործական, կոլաժային աշխատանք։
ՀՀ քննչական կոմիտեի ղեկավար կազմը, հյուրերն ու այցելուները ծանոթացել են տարբեր տարիքի երեխաների, երիտասարդների երևակայության, ստեղծագործական մտքի և իրականության յուրօրինակ ընկալման համաձուլվածքի արդյունք ինքնատիպ աշխատանքներին, շփվել նրանց հետ, ովքեր ոգևորությամբ ներկայացրել ու մեկնաբանել են իրենց գործերը։
