«Ես ասում եմ մարդն իրավունքն ունի ռազմական գործիչ դառնա, թե չէ , դուք իրեն ասում եք՝ չէ պիտի ատեստատ ստանաս»,- ԱԺ իր ելույթում այս մասին ասաց ՔՊ խմբակցության պատգամավոր Սերգեյ Բագրատյանը։ Նա դիտարկում հայտնեց, որ մերօրյա աշխարհում դպրոցական ատեստատ ունենալն բնավ պարտադիր չէ։
«Օրինակ՝ մեր հայտնի ըմբիշ Ալեքսանյանն ատեստատ ունի՞, թե՞ չունի, ու՞մ է հետաքրքիր։ Այս մարդն, այդ գծով աշխարհի չեմպիոն է, մենք այդ ատեստատ ունենալու ծիծաղելի սինդրոմը տենց մեր մեջ պահում ենք։ Ատեստատն ինչի՞ համար է ժողովուրդ ջան, լավ, եթե գիտելիք ունի, ցանկացած բուհ կարող է ընդունվի, եթե ցանկություն ունես շարունակելու, ատեստատն ինչի՞դ է պետք, եթե ունես այդ գիտելիքը, եթե հայտնի ֆիզիկոս ես կամ քիմիկոս, ատեստատն ի՞նչ ես անում, ասենք դժվա՞ր է քո գիտելիքը չափելը․ ցանկացած քննություն կարող ես հանձնել աշխարհի ցանկացած բուհում և ընդունվել՝ առանց ՀՀ-ի կամ Հունգարիայի դպրոցի ատեստատ ունենալու։ Ասածս այն է, որ այս ստերեոտիպի ժամանակն էլ է անցել, եկեք տենց չվերաբերվենք։ Ես ռազմական գործիչ եմ ուզում դառնալ, դու ինձ ինչու՞ ես ասում չէ պիտի մնաս, ատեստատ ստանաս, այդպես արեցինք, որ գեներալներ չունենք»,- ասաց նա։
Նաև հավելեց․«Շատ տաղանադավոր մարդիկ դպրոցում չեն գնահատվել, նույն Իլոն Մասկին դպրոցում ամբողջ օրը ծեծի են ենթարկել, տղան «ստիպված» դարձել է աշխարհի ամենահարուստ մարդը»։
