Բաժանորդագրվեք Zarkerak.am-ի տելեգրամ ալիքին։
«Առաջինը, որ ՀՀ քաղաքացիների մոտ առաջանում է հարցն է՝ որ այսքան խոսում եք ռազմարդյունաբերության մասին, առարկայական ի՞նչ ունենք, հայկական զենք գոյություն ունի՞, թե՞ ոչ։ Այդ հարցն առաջանում է նաև մեր պատգամավորների մոտ։ Այո մենք ունենք հայկական արտադրության զինատեսակներ, այո, մենք ունենք սերիական արտադրության զինատեսակներ, մենք ունենք անգամ հինգերորդ սերնդի սերիական արտադրության զինատեսակներ»,- ԱԺ-ում այս մասին ասաց ՔՊ խմբակցության պատգամավոր, ԱԺ պաշտպանության և անվտանգության հարցերի մշտական հանձնաժողովի նախագահի տեղակալ Արմեն Խաչատրյանը։
«Ռազմական արդյունաբերությունը ՀՀ-ի համար սրընթաց դառնում է տնտեսության, գիտության և անվտանգության կորևորագույն ոլորտներից մեկը։ Եթե պատկերավոր ասեմ, երկու տարի առաջվա համեմատ մենք ունենք մի քանի տասնյակ անգամ ավելի ուշադրություն այդ ոորտին, սա արտահայտվում է նաև ֆինանսական ռեսուրսների ուղղմամբ դեպի այս ոլորտ։ Ռազմարդյունաբերությունը ՀՀ-ում զարգանում է՝ անկախ նրանից, թե դրանից ովքեր իրենց վտա կզգան, կամ՝ հակառակը։ Պետք է այս ոլորտի հետ կապված քիչ խոսենք, բայց օրուգիշեր աշխատենք»,- ընգծեց պատգամավորը։ Նաև հավելեց, որ ոլորտը գրավիչ է դարձել ներդրողների համար։
