Բաժանորդագրվեք Zarkerak.am-ի տելեգրամ ալիքին։
Իրանը ձգտում է խաղաղության, բայց պատրաստ է պատերազմի և չի վախենում դրանից: Թեհրանը ջանքեր կգործադրի Գազայի հատվածում և Լիբանանում խաղաղություն հաստատելու համար: Այս մասին հայտարարել է Իրանի արտգործնախարար Աբաս Արաղչին Բաղդադում իր իրաքցի գործընկերոջ հետ համատեղ ասուլիսի ժամանակ։
«Իրանի Իսլամական Հանրապետությունը չի ձգտում լարվածության, հակամարտությունների, թեև պատրաստ է ցանկացած իրավիճակի. մենք պատրաստ ենք և՛ պատերազմի, և՛ խաղաղության: Մենք բացարձակապես պատրաստ ենք պատերազմական վիճակի, մենք չենք վախենում պատերազմից, սակայն, մենք չենք ձգտում պատերազմի, մենք ձգտում ենք խաղաղության և ջանքեր կգործադրենք Գազայում և Լիբանանում արդար խաղաղություն հաստատելու համար»,-ասել է Իրանի ԱԳ նախարարը:
