Բաժանորդագրվեք Zarkerak.am-ի տելեգրամ ալիքին։
«Ես զարմանալիորեն հիացած եմ մեր ընդդիմադիր գործընկերների ակտիվությամբ, շատ կուզեի, որ մեր մնացած բոլոր պաշտոնատար անձանց նշանակումների պարագայում դրսևորեիք նման ակտիվություն»,- ԱԺ-ում հայտարարեց ՔՊ խմբակցության պատգամավոր Վլադիմիր Վարդանյանը:
Անդրադառնալով ընդդիմադիր պատգամավորների հանձնաժողովների նիստերին չմասնակցելու հարցին՝ Վարդանյանը նշեց. ««Աբիդինի» է՝ գնում ենք սահմանադրական բարեփոխումների խորհրդի նիստին, հարցեր կան, որոնք ընդդիմությանն են վերաբերում՝ չկաք: Դերախաղ ենք խաղում, ասում եմ՝ լավ հիմա այսպես ասենք՝ որպես իշխող կուսակցության ներկայացուցիչ, հետո կասեմ՝ որպես ընդդիմադիր: Մեկ-մեկ էլ դերերով կիսվում ենք, տիկին Ջուլհակյանը, որ հանձնաժողովում ներկայացնում է ՔՊ-ն, հենց ՔՊ-ի դիրքերից է խոսում, ես էլ ասում եմ՝ դե լավ հիմա, մի ազգ ենք, մի ձև պետք է խոսենք, հիմա էլ ես այս տեսանկյունից խոսեմ: Ո՞ւր եք, չկաք, եկեք, ակտիվ մասնակցեք: Մենք ընդդիմադիր հանձնաժողովի անդամ ունենք, որը երեք տարվա մեջ չկա, փորձագետները, որ տեսնեն, չեն էլ հիշի: Սովորական հիմնարկում մարդն աշխատանքից բացակայում է, դա հիմք է՝ վերջինիս պաշտոնից ազատելու համար, դուք չկաք»:
Խոսելով կոռուպցիայի վերաբերյալ ընդդիմադիրների ելույթների մասին՝ Վարդանյանն ասաց. «Ոչ ոք չի ասում, որ նույնիսկ ամենազարգացած երկրում կոռուպցիոն դրսևորումները վերացած են, բայց եկեք ընդունենք, որ այն համակարգային կոռուպցիան, երբ ավտոտեսուչը կարող է կանգնեցներ, ասեր՝ դե լավ սա «սֆտեն ա», գցեմ ավտոյի մեջ, որ այսօր գործս լավ լինի, չկան այդ դրսևորումները, գոնե սա եկեք ընդունենք»:
