Բաժանորդագրվեք Zarkerak.am-ի տելեգրամ ալիքին։
«COP29-ի պատճառով ինչ-որ պահ դադար եղավ և դա հայտարարվեց նաև Ադրբեջանի կողմից, որ այդ դադարը ծանրաբեռնվածությամբ է պայմանավորված: Մենք դրական կետի վրա ենք և առաջարկ-քննարկում այս տրամաբանության մեջ ենք աշխատում և դրական դինամիկա կա, գոյություն ունի»,- այս մասին լրագրողների հետ ճեպազրույցում անդրադառնալով խաղաղության պայմանագրի շուրջ տեղի ունեցող բանակցություններին՝ ասաց ԱԺ նախագահ Ալեն Սիմոնյանը:
Խոսելով գերիների հարցի մասին՝ Սիմոնյանը նշեց. «Միշտ, բոլոր խոսակցությունների ժամանակ գերիների մասին խոսակցություններ տարվում են, բացառում եմ, որ որևէ հանդիպում լինի, որտեղ գերիների հետ կապված քննարկում տեղի չունենա: Դրա մասին խոսելը ճիշտ չեմ համարում, որովհետև նախ պետք չէ ինչ-որ սպասումներ առաջացնել, բաներ կան, որ մեզնից չեն կախված և այդ հուսախաբությունը շատ վատ բան է: Հիմա կա 23 հաստատված գերի, միշտ մեր օրակարգային կարևոր կետերից է այդ հարցը»:
