Բաժանորդագրվեք Zarkerak.am-ի տելեգրամ ալիքին։
«Երբ պարոն Դանիելյանը հարցեր էր տալիս, հիշում էի, թե երեք-չորս ամիս առաջ ավելի կրքոտ տոնայնությամբ ասում էր, որ Ոսկեպարի եկեղեցին տալիս ենք Ադրբեջանին, հիմա էլ նույն կրքով փորձում է բացատրել՝ հիմա էլ ավտոբուսները չգիտեմ ինչ ենք անում»,- ԱԺ-կառավարություն հարցուպատասխանի ժամանակ ասաց վարչապետ Նիկոլ Փաշինյանը:
Փաշինյանի խոսքով՝ ակնհայտ է, որ ավտոբուսների ոլորտում եղել է ստվեր. «Ինձ համար ակնհայտ է, որ Երևանի քաղաքապետարանը շատ գործուն և կոնկրետ միջոցներ է ձեռնարկել այդ ստվերը կրճատելու համար: Չեմ համարձակվի ենթադրել, թե մեր աշխատավոր վարորդներն այդ ստվերի օգտվող թիվ մեկ շահառուն են եղել: Դա եղել է համակարգված մեխանիզմ, ակնհայտ է, որ այդ ինչ-որ մարդկանց կերակրատաշտը կտրվել է և իրենք վարորդները չեն: Ես առնվազն ինտիուցիայով զգում եմ, որ աշխատավոր մարդկանց ձեռքով փորձ է արվում բաներ արվել, բայց այդ պատմության թիվ մեկ շահառուն աշխատավոր մարդիկ չեն»:
Փաշինյանը նշեց, որ սա տրանսպորտային որակի համար պայքար է՝ հավելելով, որ միանշանակ մարդկանց աշխատանքային իրավունքները պետք է պաշտպանել և զարգացնել:
