Իսլամ Մախաչևը խոսել է Արման Ծառուկյանի դեմ առաջիկա մենամարտի մասին Zarkerak - Իսլամ Մախաչևը խոսել է Արման Ծառուկյանի դեմ առաջիկա մենամարտի մասին
Zarkerak Zarkerak - Իսլամ Մախաչևը խոսել է Արման Ծառուկյանի դեմ առաջիկա մենամարտի մասին
Իսլամ Մախաչևը խոսել է Արման Ծառուկյանի դեմ առաջիկա մենամարտի մասին

Իսլամ Մախաչևը խոսել է Արման Ծառուկյանի դեմ առաջիկա մենամարտի մասին

Բաժանորդագրվեք Zarkerak.am-ի  տելեգրամ ալիքին։

UFC-ի խառը մենամարտերի թեթև քաշային կարգի (70 կգ) գործող չեմպիոն Իսլամ Մախաչևը խոսել  է դասակարգաման առաջին համար, Հայաստանը ներկայացնող Արման Ծառուկյանի դեմ առաջիկա մենամարտի մասին։ Այս մասին գրում է armsport.am-ը:

«Մեր պայքարը հիանալի կլինի երկրպագուների համար, քանի որ մրցակիցս լավ է զարգացած բոլոր առումներով: Արմանը լավ է հարվածում, ըմբշամարտում և պայքարում: ​Խոստովանում եմ, որ սիրում եմ ռևանշ-մենամարտեր անցկացնել, քանի որ երբ երկրորդ անգամ մենամարտում եմ մեկի հետ, ես գիտեմ արդեն այն ​​ամենը, ինչ կարող է անել մրցակիցս, և դա ինձ անակնկալի չի բերում»,- Մախաչևի խոսքերն է մեջբերում UFC-ի մամուլի ծառայությունը։

Նշենք, որ Ծառուկյանի և Մախաչևի միջև ռևանշ-մենամարտը տեղի կունենա 2025 թվականի հունվարի 18-ին UFC 311 մրցաշարում։ Մարզիկների միջև առաջին մենամարտն ավարտվել է Մախաչևի հաղթանակով։ Մենամարտը տեղի է ունեցել 2019 թվականի ապրիլին Սանկտ Պետերբուրգում։

33-ամյա Մախաչևն իր կարիերայում տարել է 26 հաղթանակ և 1 պարտություն։ 28-ամյա Ծառուկյանը 22 անգամ հաղթել է մրցակիցներին, 3 անգամ էլ պարտություն կրել։

05 Հունվար, 2025 15:05
Վեր