Բաժանորդագրվեք Zarkerak.am-ի տելեգրամ ալիքին։
Ամերիկացի դերասան և ռեժիսոր Մել Գիբսոնն ասել է, որ անտառային հրդեհը ոչնչացրել է իր տունը Մալիբուում (Լոս Անջելեսի շրջան, Կալիֆոռնիա), նա հետևանքները համեմատել է Երկրորդ համաշխարհային պատերազմի ժամանակ գերմանական Դրեզդեն քաղաքի ռմբակոծության հետ:
Նրա խոսքով՝ տունը, որում ինքն ապրել է մոտ 15 տարի, ամբողջությամբ այրվել է անտառային հրդեհի ժամանակ։
«Իմ իրերը այնտեղ էին, հիմա դրանք բոլորը վերածվել են մոխրի», – ասել է Գիբսոնը News Nation-ի հետ հարցազրույցում։
Նա պատմել է, որ հրդեհի պահին եղել է Տեխաս նահանգի Օսթին քաղաքում, որտեղ մասնակցել է ամերիկացի կատակերգու և հեռուստահաղորդավար Ջո Ռոգանի փոդքասթին։ Դերասանը արդեն գիտեր, որ իր տան տարածքում հրդեհ է մոլեգնում, և այդ պատճառով հարցազրույցի ժամանակ իրեն «վատ է զգացել»։
Երբ նա վերադարձել է տուն, տեսել է այն մոխրացած,հայտնաբերել է միայն հրդեհից փրկված հավերին: Գիբսոնը և նրա կինը ջուր և սնունդ են տվել նրանց։
«Բարեբախտաբար տապակած հավ չեն դարձել»,- կատակել է նա։
