Բաժանորդագրվեք Zarkerak.am-ի տելեգրամ ալիքին։
«Շրջանառության հարկը և միկրոբիզնեսի հարկը դեպքերի մի զգալի մասում մարդկանց կանխում է խոշորանալուց: Իմ համոզմունքն այն է, որ շրջանառության հարկը մարդկանց դրդում է չմեծանալ, ԱԱՀ-ն դրդում է ակտիվ լինել , որովհետև ԱԱՀ-ն ճիշտ է, 20 տոկոս, է ահադղիրդ է հնչում, բայց հաշվանցումներ անելու, ԱԱՀ-ն «մաշեցնելու» լայն հնարավորություններ է տալիս»,- ԱԺ-կառավարություն հարցուպատասխանի ընթացքում այս մասին ասաց վարչապետ Նիկոլ Փաշինյանը՝ ընդգծելով, որ քննարկվում է ոլորտների համար տարբերակված ԱԱՀ -ի համակարգ ունենալու հարցը:
«Խոսում են բիզնեսի մասին, այսօր մենք դրդիչներ չունենք, որ բիզնեսը մտածի իր արդյունավետության մասին, չունենք, մենք չենք տալիս դրդիչ, որ ասի ոնց անեմ, որ ավելի էներգախնայող լինի իմ բիզնեսը: Ո՞վ է ասել, որ հարկի վրա պիտի խնայեն, ժողովուրդ ջան, դուք կարաք հոսանքի ծախսի վրա խնայեք: Մեր խնդիրն այն է, որ ասենք՝ ժողովուրդ՝ եկեք չխեղճանանք, ԱԱՀ-ի ու միկրոբիզնեսի հարկի տակ, ասենք՝ էս է, չենք ուզում սրանից դուրս գանք»,- ասաց վարչապետը:
Նաև ընդգծեց, որ շրջանառության հարկը ապօրինությունը օրինականացնող հարկատեսակ է:
«2018-ից 5 անգամ թոշակները բարձրացրել ենք, միայն 1000 դրամ ավելացնելը 7-8 միլիարդ է ու դա հավերժ գնաց, ծանրացավ որպես բեռ, իսկ մենք նվազագույն կենսաթոշակը կրկնապատկել ենք ու հավերժ, չենք կարող իջեցնել: Խնդրում ենք, որ քաղաքացիները այս նրբությունները հասկանան, մեզ համար չէ, մենք «ջայնամ», իրենց երեխաների կրթության, կենսաթոշակի, անվտանգության համար»,- ընդգծեց Փաշինյանը:
