Բաժանորդագրվեք Zarkerak.am-ի տելեգրամ ալիքին։
Երևանի քաղաքապետ Տիգրան Ավինյանը, անդրադառնալով տրանսպորտի գնի փոփոխությանը, նշել է. «Ես բազմաթիվ անգամներ շեշտել եմ, որ քաղաքապետարանի իրականացվող նախագծերն ու ծրագրերը հարյուրավոր են, և դրանք վերաբերվում են և բակային տարածքների հիմնանորոգմանը, և մանկապարտեզների հիմնանորոգմանը, և պոլիկլինիկաների հիմնանորոգմանը, և այգիների հիմնանորոգմանը, և աշխատավարձերի բարձրացմանը՝ մշակութային կենտրոններում, երաժշտական դպրոցներում, այս տարի՝ սպորտդպրոցներում։
Եվ երբ ասում են՝ հավելյալ գումար ունենք, այո, ունենք հավելյալ գումարներ, որոնք բաշխվում են և տրանսպորտին՝ տարեկան նոր շարժակազմեր գնելու, վարորդների աշխատանքային պայմանները բավարարելու համար, վարորդների աշխատավարձերին անդրադարձ ենք ունեցել։
Չի եղել մի ուղղություն, որտեղ մենք աշխատանքային պայմանների բարելավում չունենանք»,- ասել է քաղաքապետը։ Ըստ նրա՝ տրանսպորտային համակարգում տեղի ունեցած փոփոխություներն արդարացված են։
Տիգրան Ավինյանը նաև նշել է, որ մշակութային կենտրոններում ու երաժշտական դպրոցներում այս տարի 30 տոկոս աշխատավարձի բարձրացում է եղել, նույնը նաև՝ սպորտդպրոցներում։
