Բաժանորդագրվեք Zarkerak.am-ի տելեգրամ ալիքին։
ՀՀ դեսպան Աշոտ Հովակիմյանին ընդունել է Չեխիայի Հանրապետության փոխվարչապետ, Աշխատանքի և սոցիալական հարցերի նախարար Մարիան Յուրեչկան։ Այս մասին հայտնում են Պրահայում Հայաստանի դեսպանությունից:
«Հանդիպման ընթացքում շեշտվել է սոցիալական հարցերի բնագավառում երկկողմ համագործակցության բարձր մակարդակը՝ ընդգծելով կապերի ամրապնդմանն ու փոխադարձ հետաքրքրություն ներկայացնող հիմնական ոլորտներում այն ընդլայնելուն ուղղված համատեղ նախաձեռնությունների հեռանկարները:
Դեսպանը նախարար Յուրեչկային փոխանցեց նաև ՀՀ աշխատանքի և սոցիալական հարցերի նախարարի կողմից Հայաստան այցելելու պաշտոնական հրավերը:
Անդրադարձ է կատարվել ՀՀ-ԵՄ գործընկերության խորացման գործընթացին ու հեռանկարներին։ Դեսպանը ներկայացրել է նաև Հարավային Կովկասում վերջին զարգացումները, հարևանների հետ հարաբերությունների կարգավորման, տարածաշրջանային հաղորդակցությունների արդյունավետ ապաշրջափակման ՀՀ տեսլականը»,- ասված է հաղորդագրության մեջ:
