Բաժանորդագրվեք Zarkerak.am-ի տելեգրամ ալիքին։
Սիրիայի ներկայիս իշխանությունը և քրդական «Սիրիայի ժողովրդավարական ուժերը» հրադադարի մասին համաձայնության են հասել: Պայմանագիրը ստորագրել են Սիրիայի ժամանակավոր նախագահ Ահմեդ ալ-Շարաան և «Սիրիայի ժողովրդավարական ուժերի» հրամանատարը։ Ըստ պայմանավորվածության՝ քրդական ուժերը պետք է դառնան Սիրիայի ուժային կառույցների մաս։
Սիրիական կողմի տվյալով՝ ըստ համաձայնագրի՝ «Սիրիայի հյուսիս-արևելքում տեղակայված բոլոր քաղաքացիական և ռազմական օբյեկտները ինտեգրվելու են պետական կառավարման համակարգին»:
Բացի դրանից՝ ըստ փաստաթղթի տեքստի՝ կերաշխավորվեն քուրդ բնակչության բոլոր իրավունքները, այդ թվում՝ քաղաքացիության իրավունքը։ Քրդերն իրենց հերթին պարտավորվում են աջակցել Սիրիայի նոր իշխանությանը՝ Բաշար Ասադի կողմնակիցների և Սիրիայի անվտանգությանն ու միասնությանը սպառնացող այլ գործոնների դեմ պայքարում:
Համաձայնագիրը պետք է կյանքի կոչվի մինչև այս տարվա վերջ։
