Բաժանորդագրվեք Zarkerak.am-ի տելեգրամ ալիքին։
«Կարևոր է, որ խոշտանգումների դեմ պայքարի գործիքակազմն ավելացնում ենք: Մեր երկրում որևէ խոշտանգման դեպք չպետք է լինի»,-այս մասին ԱԺ պաշտպանության և անվտանգության հարցերի մշտական հանձնաժողովի հերթական նիստում ասաց ՔՊ խմբակցության պատգամավոր Արսեն Թորոսյանը:
Թորոսյանն առաջարկեց զբաղվել նաև կալանավորված անձանց բժշկական օգնության և սպասարկման ծառայություններով. «Այնտեղ էլ լուրջ խնդիրներ ունենք: Օրինակ՝ վերջերս մի շատ ցավալի դեպք է տեղի ունեցել, որին ես անձամբ տեղյակ եմ, քրեակատարողական ծառայության հիվանդանոցում 20 տարեկան կալանավոր է մահացել, մահվան դիագնոզը եղել է պոլիօրգանային անբավարարություն, դա մոտավորապես նշանակում է, որ նրան ոչ մի բուժօգնություն չեն ցուցաբերել և ինքը պարզապես մահացել է: Պետք է խոսելուց բացի ինչ-որ բան նաև անենք, որովհետև անկախ նրանից այս մարդիկ դատապարտված են, կալանավորված են, նրանք մեր քաղաքացիներն են, մեր պաշտպանության ներքո պետք է լինեն»:
