Բաժանորդագրվեք Zarkerak.am-ի տելեգրամ ալիքին։
«Առաջին անգամ 2025-ի բյուջեի ուղերձում սահմանվել են եռամյա մակրոտնտեսական ու հարկաբյուջետային շրջանակները, սա մեկ քայլ է դեպի եռամյա բյուջե ունենալուն, որը պլանավորում ենք իրականացնել 2026-ի բյուջեից սկսած»,- ԱԺ ֆինանսավարկային և բյուջետային հարցերի մշտական հանձնաժողովի արտահերթ նիստում այս մասին ասաց ՀՀ ֆինանսների նախարար Վահե Հովհաննիսյանը:
Խոսելով 2024-ի բյուջեից՝ նշեց.«Բյուջեի եկամուտները կատարվել են 95,8 տոկոսով, որից հարկային ելկամուտները և պետական տուրքերը՝ 92,7 տոկոսով, իսկ ծախսերն իրականացվել են 93,9 տոկոսով: Սա ծախսերի մասով 16 տոկոսով ավելի քան է 2023-ին և 9,3 տոկոսով ավելի է եկամուտների մասով»,- հայտնեց նախարարը:
«Պետական պարտքը 2024-ի վերջին կազմել է 5 տրիլիոն կամ շուրջ 12,8 միլիարդ ԱՄՆ դոլար, նախորդ տարեվերջի նկատմամբ պետական պարտքը ավելացել է 6,2 տոկոսով: Ուրախալին այն է, որ պետական պարտքի հարաբերակցությունը ՀՆԱ-ի նկատմամբ պահպանվել է 50 տոկոսից ցածր մակարդակում, և կազմել է 48,3 տոկոսով՝ 0,1 տոկոսով ցածր քան 2023-ին»,- հայտնեց Հովհաննիսյանը:
