Բաժանորդագրվեք Zarkerak.am-ի տելեգրամ ալիքին։
«Ժողովուրդն իր կամքն արտահայտում է հանրաքվեների և ընտրությունների միջոցով: ԱԺ-ն օրենքներ ընդունելիս հանդես է գալիս որպես ժողովրդի ներկայացուցիչ»,- ԱԺ-ում «Եվրոպական միությանը Հայաստանի Հանրապետության անդամակցելու գործընթացի մեկնարկի մասին» օրենքի նախագծի քննարկման ժամանակ ասաց ՔՊ խմբակցության պատգամավոր Արման Եղոյանը:
Եղոյանի խոսքով՝ 60 հազար քաղաքացի ներկայացրել է իր առաջարկը. «Մենք այն կարող ենք կա՛մ ընդունել, կա՛մ մերժել, սակայն ընդունելուց ճիշտ չէր լինի, որ մենք արձանագրեինք, որ մենք արտահայտում ենք ամբողջ ժողովրդի կամքը, դրա համար կա մեկ այլ ինստիտուտ՝ հանրաքվեն: ԵՄ-ին անդամակցության քայլերը ձևակերպված են ԵՄ-ի համապատասխան փաստաթղթերում: Այս օրենքն արտահայտում է կամքը, հետագայում այդ քայլերը ձեռնարկելու համար մենք պետք է նայենք, թե ինչպես են վարվում իրենց օրենսդրությանը համապատասխան իրենց անդամակցության գործընթացով անցնելու համար»:
