Բաժանորդագրվեք Zarkerak.am-ի տելեգրամ ալիքին։
«Ամենափոքր սեգմենտին աջակցելու մեր բոլոր փորձերը անհաջողության են մատնվում, պետք է հասկանանք՝ ինչ անենք, այդտեղ լուծումներ չունենք և սովորական լուծումների տրամաբանությամբ չենք առաջնորդվելու»,- կառավարության նիստում այս մասին ասաց վարչապետ Նիկոլ Փաշինյանը՝ անդրադառնալով պետական աջակցությամբ խելացի անասնագոմեր կառուցելու ծրագրին:
«Այս փակուղին զգացվում է շատ տեղերում, այն հատվածում, որտեղ մարդիկ վարկերի տակ են, գյուղատնտեսությունը օգուտ չի բերում տասնյակ որոշումներ ենք կայացրել , բայց դրանք չեն աշխատում , գուցե այն պատճառով, որ դրա տակ տնտեսական հիմնավորում չկա այսինքն՝ տնտեսական մոտիվացիա չկա»,- նշեց նա ու հավելեց.«Պետք է հասկանանք՝ այստեղ խնդիր, ճգնաժամ ունենք, գուցե պետք է գնալ շատ բարդ և ռադիկալ լուծումների: Պետք է արձանագրենք, անջրդի հողեր ունեցող մարդիկ ուղղակի պետք է գյուղատնտեսությամբ չզբաղվեն, որովհետև հնարավոր չի այս բանաձևով գյուղատնտեսությամբ զբաղվել: Բայց հարց, այդ մարդիկ ինչո՞վ զբաղվեն: Պետք է որոշակի ծրագրեր մշակենք, այդ թվում՝ վերապատրաստումների կամ այլ գործունեության խթանման, որպեսզի հնարավորություն ունենան այդ հողերը կոնսոլիդացնել և դրա նկատմամբ տնտեսական հետաքրքություն առաջացնել»:
Վարչապետը նշեց, որ գուցե գա մի օր, որ «խնդրեն, աղաչեն» գնալ գյուղատնտեսական կոոպերատիվների ճանապարհով, որը նաև «սև ցուցակից» դուրս գալու հնարավորություն կտա:
