Բաժանորդագրվեք Zarkerak.am-ի տելեգրամ ալիքին։
«Բա 4,2 միլիարդ դրամը օդի՞ց է ընկել սիրելի ժողովուրդ», - ԱԺ նիստում ներակայացնելով 2018թ-ից պետական բյուջեում հավելյալ մուտքերը և քննադատությունները, թե իշխանությունը թալանածը հետ չի բերում նման նկատառում արեց ՀՀ վարչապետ Նիկոլ Փաշինայնը:
«Թալանվածը հետ բերելու համար նախ պետք է հասկանալ տեղը և հետ բերելու մեխանիզմները, որը առաջին հերթին ստվերային տնտեսությունն է, մենաշնորհները, հարկերից խուսափելը, և դրանց դեմ պայքարում է ձևավորվել լրացուցիչ՝ հեղափոխության բերած 4,2 միլիարդ բյուջետային եկամուտը: Պետք է խոստովանեմ, որ թալանվածը հետ բերելու, հանցագործներին պատժելու հեղափոխական օրակարգը մոռացության մատնելը մեր հասցեին ամենահահաճախ հնչող քննադատությունն է: Կտրականապես մերժում եմ այդ քննադատությունը»,- ասաց Փաշինյանը և հավելեց, որ թեև տվել է խոստում, բայց և նշել, որ ՀՀ-ում չեն լինելու վենդետաներ:
Ըստ նրա օրինականության և թալանածը հետ բերելու օրակարգերն իրար չեն հակասում, քանի որ ՀՀ-ն չպետք է դարձնել «բեսպրեդելի» սև խորշ աշխարհի քարտեզի վրա.«Թալանվածը պահեստավորված չէ մի կոնրետ հասցում, որ գնաս բացես բեռնատարները և վերադարձնես: 2019թ-ից սկսել ենք թալանի գորդյան հանգույցը արձակելուն ուղղված համակարգ ձևավորել»,- նշեց վարչապետն ու ընդգծեց, որ դա արվել է մարտահրավերներով լինի ժամանակներում և զուգահեռ տնտեսությունն աննախադեպ աճել է՝ իրական աճը 2018-2014թթ-ին կազմել է 43,5 տոկոսով:
Նա կարևորեց ապօրինի գույքի բռնագանձման օրենքի ընդունումը.«Ավելի քան 1,7 միլիարդ դոլարի ապօրինի ձեռքբերված գույք այս պահին գտնվում է կալանքի տակ և դա հնարավոր չէ օտարել»:
«Ինչու՞ ենք այսքան զգույշ, կորցրե՞լ ենք մեր «դուխը», թալանչիների իրավունքների համա՞ր ենք հոգ տանում, թե վախենում ենք նրանցից, ո՛չ ամենևին»,- ասաց վարչապետն ու ընդգծեց, որ ամենաթողությունը, վենդետան անդառնալի վնաս կհասցնի ՀՀ-ին և այդ ճանապարհով գնալը կշանակի գնալ ընդդեմ պետական շահի:
