Կապ չունի քանի անգամ ես մսով ճաշ ուտում, եթե միջավայրդ անբարեկարգ է, ուրեմն բարեկեցությունը քեզնից հեռու է այնքան, ինչքան Պլուտոնն արևից. Նիկոլ Փաշինյան (տեսանյութ)

Բաժանորդագրվեք Zarkerak.am-ի  տելեգրամ ալիքին։

«ՀՀ-ում Կառավարության հասցեին մի մեղադրանք կա, որն աբսուրդ է իր էությամբ, Կառավարությանը մեղադրել պետական կամ համայնքային բյուջեները լցնելու մեջ, նշանակում է լավ չպատկերացնել յուրաքանչյուր քաղաքացու բարեկեցության աղբյուրը և բանաձևը»,- ԱԺ-ում 2021-2026 թվականների ծրագրի 2024 թվականի կատարման ընթացքի և արդյունքի մասին զեկույցի ժամանակ հայտարարեց վարչապետ Նիկոլ Փաշինյանը:

Փաշինյանի խոսքով՝ ՀՀ ոչ մի ընտանիք իր բարեկեցության համար ավելի մեծ ծախս չի անում, քան անում են տեղական և համայնքային բյուջեները. «Ասա երկրիդ բյուջեն ինչքան է, ասեմ ոնց ես ապրում դու: Քաղաքացու լավ կամ վատ ապրելու չափանիշը ոչ միայն այն է, թե որքան է ինքն անձամբ վաստակում, այլև այն, թե որքան է ինքն անձամբ հարկ վճարում պետական և համայնքային բյուջե: Հնարավոր չէ լավ ապրել ցեխակոլոլ ճանապարհներ, մութ ու խավար փողոցներ ունեցող, զբոսայգի ու պուրակ չունեցող, կոյուղի չունեցող բնակավայրում: Այսպիսի իրավիճակ ունեցող թաղամասերը հազարավոր են: Կապ չունի շաբաթը քանի անգամ ես մսով ճաշ ուտում, եթե ապրում ես անբարեկարգ միջավայրում, ուրեմն աղքատ ես, ուրեմն բարեկեցությունը քեզնից հեռու է այնքան, ինչքան Պլուտոնն արևից»:

Մանրամասները՝ տեսանյութում.