Բաժանորդագրվեք Zarkerak.am-ի տելեգրամ ալիքին։
«Տրամաբանակն այն է, որ այն ուժը, որն ամենաշատ ձայներն է հավաքել նաև քաղաքապետ ընտրի, մնացած տարբերակները չեմ կարծում, որ ժամանակի և իրականության մեջ աշխատող տարբերակներ են լինելու, և դա կարծում եմ բացասական ազդեցություն կունենա Գյումրու հետ կապված բարեփոխումների, աշխատանքների վրա»,- ճեպազրույցում ասաց ԱԺ նախագահ Ալեն Սիմոնյանը՝ անդրառնալով ապրիլի 16-ին Գյումրիում սպասվող ավագանու առաջին նիստին, որի ընթացքում ակնկալվում է ընտրել քաղաքապետ:
«Չեմ կարծում որ «մեկ գիշերվա» կոալիցիան կարողանա ապահովել բնականոն գործունեություն, 4-հոգանոց կոալիցիայի հետագա աշխատանքին չեմ հավատում, դա նաև Մարտուն Գրիգորյանի հայտարարությունից է հնչում», - ասաց Ալեն Սիմոնյանը՝ անդրադառնալով Վարդան Ղուկասյանին ընտրելու ընդդիմադիրների նախնական որոշմանը. «Իմ կարծիքը չեմ փոխում, կարծում եմ Վարդան Ղուկասյանի ճիշտ տեղը բանտն էր»:
Հարցին, ու՞մ է մեղադրում, որ Ղուկասյանն այնտեղ չէ, նշեց. «Բոլորիս, երևի ամեն ինչ չէ, որ ճիշտ է արվել, կարծում եմ՝ հարուցված գործերը ինչ-որ պահի իրենց հանգրվանին կհասնեն»:
«Գյումրիում մենք պարտություն չեն կրել: Գյուրիի կամ Փարաքարի ընտրություները դրանք քաղաքական ընտրությունների մասին չեն, եթե վերադառնանք քարոզարշավին, որ տեղի է ունեցել Գյումրիում, դրանք հիմնականում տեղային խնդիրների մասին խոսակցություներ էին»,- ասաց Սիմոնյանը:
Խոսելով ընտրություններին Ռոբերտ Քոչարյանի և Սերծ Սարգսյանի այս ընտրություններին ոչ ուղիղ մասնակցության մասին, Սիմոնյանն ասաց.«Էկան, ոչ իրենց դեմքով մասնակցեցին, մի-մի կտոր ձեն տարան: Եթե ՀՀ քաղաքացիները որոշեն, որ Ռոբերտ Քոչարյանը և Սերժ Սարգսյանը վերադառնան և նման ընտրություն լինի ես կընդունեմ այդ ընտրությունը, բայց ես դրան չեմ հավատում»:
