Բաժանորդագրվեք Zarkerak.am-ի տելեգրամ ալիքին։
Քիչ առաջ տեղի ունեցավ իմ և Կիպրոսի գործընկերոջ միջև հանդիպումը: Մենք քննարկեցինք բազմաթիվ երկկողմ հարաբերություններ, մեր կողմից նաև առաջարկ եղավ բարձրացնել մեր համագործակցության աստիճանը մինչև ռազմավարական գործընկերության համագործակցություն, և տիկին Դիմիտրիուն դրական արձագանքեց այս առաջարկին: Մենք քննարկեցինք նաև մեր համագործակցությունը տարբեր միջազգային հարթակներում: Այդ մասին Կիպրոսի Ներկայացուցիչների պալատի նախագահ Անիտա Դիմիտրիուի հետ համատեղ մամուլի ասուլիսի ժամանակ ասաց ԱԺ նախագահ Ալեն Սիմոնյանը:
«Իմ գործընկերը ՀՀ-ի ամենավառ արտահայտված միջազգային ընկերներից է: Այն գործընկերությունը, որն իրականացնում է տիկին Դիմիտրիուն միջազգային հարթակներում, ես չեմ կարող թաքցնել, պետք է ասեմ, որ այն հարթակներում, որտեղ իմ գործընկերը ներկայացված է, ունենք երկու խոսափող, այսինքն՝ երկու անգամ ավելի ենք ներկայացված, ինչի համար տիկին Դիմիտրիուին և մեր բարեկամ Կիրպրոսին շատ շնորհակալ ենք: Պետք է ասեմ, որ Հայաստանը նույնպես մշտապես Կիպրոսի և Կիպրոսի ժողովրդի կողքին է»,- ասաց նա:
«Տեղեկացրի նաև այն իրավիճակի մասին , որն այսօր կա կապված ՀՀ-ի և Ադրբեջանի միջև համաձայնագրի հետ, վստահ եմ, որ խաղաղության հաստատման ճանապարհին Կիպրոսն իր ներդրումը կունենա: ՀՀ-ն նույնպես մշտապես աջակցելու է Կիպրոսի խնդրին: Նաև տեղեկացրել եմ ռազմագերիների, անհետ կորածների հետ կապված խնդրի մասին»,- ասաց Սիմոնյանը:
