Բաժանորդագրվեք Zarkerak.am-ի տելեգրամ ալիքին։
Կուսակրոն և ամուսնացյալ քահանաներ
ճեմարանի ուսանողության տարիներին մարդը ձեռնադրվում է սարկավագ, ավարտելուց հետո՝ ընտրում է 2 ճանապարհ․ կա՛մ ամուսնացյալ քահանայություն, կա՛մ կուսակրոնություն: Zarkerak.am-ը հետաքրքրվել է, թե ինչ է սահմանում եկեղեցական կարգը՝ տարբեր իրավիճակներում։
Ամուսնացյալ քահանան ամուսնանում է, զավակ է ունենում: Եթե նախկինում տղա զավակ պետք է ծնվեր, նոր ձեռնադրվեր քահանա, ապա այժմ աղջիկ երեխա ունենալու դեպքում էլ ձեռնադրվում է ամուսնացյալ քահանա: Կուսակրոնության նպատակը վանական կյանքի զարգացումն է, սակայն այսօր նրանք միաբանական կյանք են վարում: Կուսակրոնն իր կյանքը նվիրում է Աստծուն, եկեղեցուն, որովհետև, եթե մարդն ամուսնացյալ է, չի կարող նվիրվել եկեղեցուն, որովհետև ընտանիքի հանգամանք կա:
Ըստ տվյալների՝ Հայաստանում կա մոտ 150 կուսակրոն: Երբ կուսակրոն քահանան ամուսնանում է, դադարում է լինել կուսակրոն, ամուսնացյալ քահանան չի կարող նաև ամուսնալուծվել, հակառակակ դեպքում կդադարի քահանա լինելուց քանի որ, քո ուղտի մեջ պետք է մինչև վերջ հավատարիմ լինես: Քահանաների ուխտը պահելու հարցում նրանց վերահսկում է թեմը։
Հիշեցնենք, որ վերջին օրերին վարչապետ Նիկոլ Փաշինյանն իր ֆեյսբուքյան էջում պարբերաբար անդրադառնում է կուսակրոնության ուխտը խախտած հոգևորականներին, և խոսում Գարեգին Բ-ի զավակ ունենալու փաստի մասին:
Եթե պարզվի, որ Կաթողիկոսը զավակ ունի․ ինչ է սպասվում՝ ըստ եկեղեցական կարգի
Ըստ եկեղեցական կարգի, եթե պարզվի, որ Կաթողիկոսը խախտել է կարգը և զավակ ունի, ապա Կաթողիկոսի ճակատագիրը կորոշի ազգային եկեղեցական ժողովը։ Եկեղեցական իշխանությունը կորոշի կա՛մ հանգստի պետք է գնա, կա՛մ շարունակի ուրիշ կարգավիճակով, կա՛մ կարգալույծ լինի։ Եկեղեցական ժողովը որոշում կարող է կայացնել՝ ըստ իրավիճակի, այսինքն հնարավոր է որոշի հեռացնել աթոռից, ընտրել ուրիշ կաթողիկոս կամ հանգամանքների բերումով, կարող է նաև թողնել նույն կարգին։
