Բաժանորդագրվեք Zarkerak.am-ի տելեգրամ ալիքին։
«Վարչապետի գրառումը բոլոր հարցերի պատասխանները պարունակում է, ավելացնելու ոչինչ չունեմ»,- լրագրողների հետ ճեպազրույցում այս մասին ասաց ԿԳՄՍ նախարար Ժաննա Անդրեասյանը՝ անդրադառնալով հարցին, թե ինչ է կարծում ինչպես է հնարավոր իրականացնել Կաթողիկոսի փոփոխություն:
Հարցին, թե ինչ նկատի ուներ վարչապետը իր գրառման մեջ նշելով, որ այդ գործողությունը պետք է նաև իրականացվի Աստծո օգնությամբ, նշեց, որ հավատացյալ մարդու համար Աստծո օգնություն բառերը շատ հասկանալի են:
Լրագրողի հարցին, թե աշխարհիկ և հոգևոր իշխանությունների բախումը քաղաքացիական պատերազմի վտանգ պարունակու՞մ է, արձագանքեց. «Ովքեր նման կոչեր են անում մեր հանրությանը շատ վատ են ճանաչում, ես սոցիոլոգ եմ և ես վստահ եմ, որ մեր հասարակությունն ունի համերաշխության շատ ամուր առանցք և մեր հասարակությունը անցնելով ամենատարբեր փորձություններ, ունի բավարար խելք և իմացություն տարբեր մարտահրավերներից և դժվարությունների դուրս գալու, նման թերահավատություն և անվստահություն չունեմ իմ ժողովրդի նկատմամբ»:
