Բաժանորդագրվեք Zarkerak.am-ի տելեգրամ ալիքին։
«Խուճապ սյունեցիների շրջանում դժվար կտարածվի այս եղանակով, բայց թե կոնկրետ բուն նպատակը որն է՝ դժվար կլինի պատասխանել, որովհետև պատճառները կարող են տարբեր լինել, այն որ այդ կրակոցեները գիշերային ժամերին լսելի են դա միանշանակ է»,- ԱԺ-ում լրագրողների հետ ճեպազրույցում այս մասին ասաց Սյունիքի մարզպետ Ռոբերտ Ղուկասյանը՝ անդրադառնալով հակառակորդի կողմից պարբերաբար մարզի համայնքների ուղղությամբ հնչող կրակոցներին:
Նա նշեց, որ անգամ դրանց ֆոնին մարդն ավելի շատ է հավատում և հույս ունենում, որ խաղաղություն կլինի: Հարցին, արդյոք այս վիճակը չի նպաստի, որ սյունեցիները որոշում կայացնեն հեռանալ պատասխանեց.«Այո, հերքում եմ, որ մարդիկ ուզում են գնալ»:
Նշեց, որ անկախ հանգամանքներից՝ գյուղատնտեսական աշխատանքներ իրականացնել հնարավոր է լինում.«Ցերեկային ժամերին կրակոցներ չեն լսվում, հատուկ գիշերային ժամերին են լինում»:
