Բաժանորդագրվեք Zarkerak.am-ի տելեգրամ ալիքին։
Իրանը սկսել է Իսրայելի դեմ պատասխան գործողությունը, տեղեկացնում է IRNA-ն:
Իրանն Իսրայելի դեմ իրականացնում է «Իրական խոստում 3» անվանումը կրող գործողություն, հաղորդում է Իրանի Իսլամական հեղափոխության պահապանների կորպուսը։
Իսրայելի բանակն էլ հայտնում է Իրանից ևս մեկ «հրթիռային համազարկի» մասին։ Իսրայելական լրատվամիջոցները հաղորդում են, որ Իսրայելի տարածքում ընկել է մոտ 5-7 իրանական հրթիռ։
Իրանի ՀՕՊ միջոցները որսում են Իսրայելի կողմից Թեհրանի դեմ ուղղված հրթիռները, տեղեկացնում է Press TV-ն։
Ինչպես հաղորդվում է՝ Իրանի կենտրոնական հատվածում՝ Սպահան քաղաքում, լսվել է հզոր պայթյունի ձայն․ այնտեղ նույնպես տեղակայված է իրանական միջուկային ծրագրի օբյեկտ։ Իրանի ՀՕՊ համակարգերը կարողացել են ոչնչացնել իսրայելական մի քանի կործանիչ ու անօդաչու։
Իսրայելի բանակը հաստատել է, որ հարձակում է գործել Իրանի Սպահանի շրջանում գտնվող օբյեկտի վրա, նաև հայտարարել, որ արձանագրել է Իրանի տարածքից հրթիռների արձակումը, ՀՕՊ միջոցները գործի են դրվել՝ դրանք որսալու համար։
