Բաժանորդագրվեք Zarkerak.am-ի տելեգրամ ալիքին։
ՀԷՑ- հետ կապված պատմությունում կա մի անձ, որը այսօր ուշադրությունից դուրս է մնացել։ Խոսքը՝ ՀԾԿՀ նախակին նախագահ Գարեգին Բաղրամյանի մասին է։
Հանրային ծառայությունները կարգավորող հանձնաժողովն այն կառույցն է, որը պետք է ոչ միայն սակագներ հաստատի, այլև հետևի, որպեսզի հանրային ծառայություններ մատուցող ընկերությունները բարեխղճորեն կատարեն իրենց պարտականությունները։ Գարեգին Բաղրամյանը, ավելի քան 5 տարի ղեկավարել է ՀԾԿՀ-ն, ընդ որում հենց իր պաշտոնավարման տարիներին արդեն բազմաթիվ դժգոհություններ կային էլեկտրաէներգիայի մատակարարման և որակի հետ կապված։
Մինչդեռ Գարեգին Բաղրամյանը, որը պատասխանատու պաշտոն էր զբաղեցնում, ոչ միայն ծպտուն չէր հանում ՀԷՑ-ի «բեսպրեդելի» հետ կապված, այլև ամեն գնով փորձում էր պաշտպանել ՀԷՑ-ի շահերը։
Սա վկայում էր արդեն այն մասին, որ Գարգեին Բաղրամյանն իր պաշտոնավարման ժամանակ շահերի համընկնում ուներ Սամվել Կարապետյանի ՀԷՑ-ի հետ։ Ընդ որում, այդ մասին ժամանակին գրում էր նաև մամուլը։
ՀԵՑ-ի մատուցած անորակ ծառայությունների համար պատասխանատվության իր բաժինն ունի նաև Գարեգին Բաղրամյանը, որն այսօր կարծես ստվերում է մնացել։ Բաղրամյանն ի պաշտոնե պարտավոր էր պաշտպանել հանրության շահերը, մինչդեռ ջանասիրաբար պաշտպանում էր ՀԷՑ-ի սեփականատերերի բիզնես շահերը, որոնց հետ, ըստ մամուլի հրապարակումների, Բաղրամյանը սերտ կապեր է ունեցել։
Ուշագրավ է նաև այն, որ տարիներ առաջ մամուլը գրել էր, որ Գարեգին Բաղրամյանին տարբեր պաշտոններում նշանակելու համար աջակցել են նաև Ռուսաստանից, ինչը թերևս նշանակում է, որ Գարգին Բաղրամյանը կոնկրետ անձնական և քաղաքական շահեր է ունեցել ՀԵՑ-ի «վերևների» հետ։
Այսօր, երբ արդեն ՀԷՑ-ի պետականացումը իրականություն է դառնում, անհրաժեշտ է, որպեսզի պատասխանատվության իրենց բաժինը կրեն նաև այն անձինք, որոնք տարիներ շարունակ պետական պաշտոններն ու լծակներն օգտագործել են Սամվել Կարապետյանի և նրա «մայր հայրենիքի» շահերը սպասարկելու համար։
Գարեգին Բաղրամյանը պետք է բազմաթիվ հարցերի պատասխանի և հանրությանը բացատրի՝ թե ինչու է ոտնահարել նրանց շահերը, ում շնորհիվ նաև բարձր աշխատավարձ է ստացել պետական բյուջեից։
Մկրտիչ Իսրայելյան
