Բաժանորդագրվեք Zarkerak.am-ի տելեգրամ ալիքին։
«Բոլոր վարկածները քննարկվել են: Ցավոք երեխայի մարմինն է հայտնաբերվել դաշտամիջյան հատվածում, այս պահի դրությամբ ունենք նախնական տվյալներով սպանություն, երեխայի հայրը խեղդամահ անելու ճանապարհով սպանել է փոքրիկին, այս պահին այլ տվյալ հանրայնացնելուց կխուսափեմ»,- ԱԺ-ում խոսելով կորած և մահացած հայտնաբերված 3-ամյա երեխայի մասին ասաց ՆԳ նախարար Արփինե Սարգսյանը:
Այս վարկածն առաջին օրվանից քննարկվել է, նշեց նախարարը և հավելեց.«Առաջին օրվանից եղբայրը պարբերաբար ռեակցիաներ էր տալիս, շատ նախնական տվյալներով երկու եղբայրները դուրս են եկել տանից, հետո հորն են հանդիպել, հայրը խեղդելու ճանապարհով սպանել է: Երեխայի հայրը նշել է, որ ներընտանեկան որոշակի հարցադրման շրջանակներում է վրա հասել դեպքը: Ըստ հոր նախնական ցուցմունքի՝ երեխայի մարմնի տեղափոխում է իրականացրել տարածքների»,- նշեց նախարարը:
Հայտնեց, որ այս թեման կոմունիկացվել է այլ կառույցների հետ ևս՝ այդ ընտանիքում բնակվող երեխաների հարցով ընթացք տալու համար:
