Բաժանորդագրվեք Zarkerak.am-ի տելեգրամ ալիքին։
«Մենք Ռուսաստանի թիկունքում որևէ բան չենք պատրաստվում անել: Այս փուլում, քանի դեռ երկխոսության հնարավորությունները լայն են և բաց են, մենք շարունակելու ենք աշխատանքը»,- լրագրողների հետ ճեպազրույցում ասաց վարչապետ Նիկոլ Փաշինյանը:
Անդրադառնալով Ղազախստանի ԱԳ նախարարի Հայաստան այցին և հնարավոր քննարկումներին՝ Փաշինյանը նշեց. «Ղազախստանն օգոստոսից ի վեր չի թաքցրել իր հետաքրքրությունը TRIPP-ի վերաբերյալ: Միջազգային հաղորդակցության նոր ուղի է բացվում, Ղազախստանը միջազգային տրանսպորտային ոլորտի խոշոր խաղացողներից է: Ղազախստանի գործընկերները փորձում են հասկանալ, թե տրանսպորտային ինչ հնարավորություններ են բացվում իրենց համար: Հրապարակային պրոցես է գնում, և մենք չենք պատրաստվում թաքցնել մեր գործընկերներից, այդ թվում՝ Ղազախստանին պիտի հրավիրենք պատրաստ լինել Հայաստանով անցնող տարանցիկ ուղիներն օգտագործել իրենց արտահանումների, ներկրումների և իրենց կողմից մատուցվող տրանսպորտային ծառայությունների շղթայի մեջ լինելու համար: Երկաթուղու հետ կապված հարցին էլ հնարավոր է անդրադարձ լինի, բայց Ռուսաստանի թիկունքում որևէ քննարկում տեղի չի ունենում»:
