Քերոբյանը պարզաբանել է, թե ինչո՞ւ է ուշանում լաստանավի գործարկումը

Կառավարության այսօրվա նիստում լրագրողները հետաքրքրվեցին Էկոնոմիկայի նախարար Վահան Քերոբյանից՝ ինչո՞ւ է ուշանում լաստանավի գործարկումը։

Նախարարը նշեց, որ մնացել է ստանալ միայն հոլդանդական ընկերության թույլտվությունները։

«Գիտեք, որ եվրոպական շատ ընկերություններ սանկցիաներ են կիրառում Ռուսաստանի նկատմամբ, հոլանդական ընկերությունը ևս սանկցիաներ ունի կիրառած ՌԴ-ի դեմ, հիմա մենք բանակցում ենք, որ մեր լաստանավերի վրա սանկցիաներ չկիրառվեն։ Ամեն ինչ պատրաստ է, բացի վերջին թույլտվությունից», - մանրամասնեց Էկոնոմիկայի նախարարը։

Հիշեցնենք, որ  մայիսի 5-ին կառավարության նիստում  հայտարարվեց, որ Հայաստանն ընտրել է լաստանավային օպերատորին, որը պայմանագրեր կկնքի «Հարավկովկասյան երկաթուղիներ»-ի ու «Ռուսական երկաթուղիներ»-ի հետ։

Էկոնոմիկայի նախարար Վահան Քերոբյանը նշել էր՝ ըստ իրենց պլանի՝ «Փոթի» և «Կավկազ» նավահանգիստների միջև ամենաուշը հունիսի 15-ից պետք է գործարկվի շաբաթական երկու անգամ։  

23 Հունիս, 2022 14:17
Վեր