Կառավարությունը կոնյակի սպիրտ արտահանողներին կվերադարձնի պետական տուրքի գումարը։ Այս մասին կառավարության նիստում այսօր ասաց վարչապետ Նիկոլ Փաշինյանը՝ հիշեցնելով, որ կոնյակի սպիրտի վրա սահմանված է տուրք։
Նա, մասնավորապես, նշեց. ՛՛Նախորդ տարի մենք խաղողի մթերումը կարողացանք ի վերջո կազմակերպել, չնայած ընկերություններն արտաքին շուկաներում խնդիրներ ունեին։
Եվ որպեսզի այս տարվա մթերումները նույնպես կարողանանք պատշաճ ձևով կազմակերպել, պիտի խթանենք, որ կոնյակի սպիրտն արտահանվի։ Եվ այս որոշումը կապված է նաև դրա հետ՛՛: