Ռուսաստանի Դաշնությունը նախնական համաձայնություն է տվել Լին Թրեյսիին, որին ԱՄՆ-ը ցանկանում է դեսպան նշանակել Մոսկվայում, ասել է փոխարտգործնախարար Սերգեյ Ռյաբկովը։ Ավելի վաղ Սպիտակ տունը հայտնել էր, որ ԱՄՆ նախագահ Ջո Բայդենը Ռուսաստանում դեսպանի պաշտոնում առաջադրել է Պետքարտուղարության աշխատակից Լին Թրեյսիին, ով գլխավորում է Հայաստանում դիվանագիտական առաքելությունը։
«Այո, հավատարմագիր են տվել, փաստն այն է, որ նրանք արդեն որոշ ժամանակ առաջ համաձայնություն են խնդրել նրա վերաբերյալ»,- լրագրողներին ասել է Ռյաբկովը։
Նա նաև հավելել է, որ պետք է սպասել Սենատում նրա հաստատմանը։
Ռյաբկովի խոսքով՝ Մոսկվան լրջորեն կընդունի հարաբերությունները բարելավելու Վաշինգտոնի ազդանշանները:
«Մենք շատ լրջորեն կվերաբերվենք բարելավման ուղղությամբ շարժման ամենափոքր նշանը՝ լինի դա հանրային ազդանշան, լինի դա ինչ-որ գործողություն»,- լրագրողներին ասել է Ռյաբկովը։
Սակայն, ըստ նրա, առայժմ միտումը հակառակն է՝ «հարաբերությունների լիակատար փլուզում, ամեն ինչի հասցնել զրոյի»։
