Հայաստանը հերքում է հայկական ուժերի կողմից Քարվաճառի ուղղությամբ կրակելու Ադրբեջանի պնդումը

Ադրբեջանի պաշտպանության նախարարությունը հայտարարել է, թե «սեպտեմբերի 21-ի լույս 22-ին գիշերը, մոտավորապես ժամը 2-ին, հայկական ուժերը սադրիչ գործողություններ են կատարել Քելբաջարի (Քարվաճառ) ուղղությամբ»:

Ըստ ադրբեջանական պաշտպանական գերատեսչության՝ հայկական ուժերը խոշոր տրամաչափի զինատեսակներից, նռնականետերից և ականանետերից, իբր, կրակ են բացել ադրբեջանական դիրքերի ուղղությամբ: Տուժածների մասին հաղորդագրությունում տվյալներ չկան:

Նախարարությունը պնդում է, թե «ամբողջ պատասխանատվությունը հայ-ադրբեջանական սահմանին առաջացած հերթական լարվածության համար Հայաստանի քաղաքական և ռազմական ղեկավարությունն է կրում»:

«Ազատության» հարցմանն ի պատասխան, Հայաստանի պաշտպանության նախարարությունը հերքել է ադրբեջանական կողմի ներկայացրած մեղադրանքը և այն «ապատեղեկատվություն» է որակել:

22 Սեպտեմբեր, 2022 15:18
Վեր