Ինչպես են քաղաքացիները գնահատում ԵՄ դիտորդական առաքելության առկայությունը ՀՀ-ում. հարցման արդյունքները

«GALLUP International Association»-ի Հայաստանում լիիրավ անդամ Էմ Փի ՋԻ ՍՊԸ-ն հարցում է անցկացրել Հայաստանում: Արդյունքները մամուլի ասուլիսում ներկայացրեց տնօրեն Արամ Նավասարդյանը։

Նա նշեց, որ հարցում իրականացրել են հեռախոսով, մասնակցել է 1100 քաղաքացի։ Այն իրականացվել է մայիսի 27-31-ը։

Հարցման ժամանակ քաղաքացիներին տրվել է հետևյալ հարցը․ «Ինչպե՞ս եք գնահատում ԵՄ դիտորդական առաքելության առկայությունը ՀՀ-ում»։ Պատասխանները բաշխվել են հետևյալ կերպ․

• Լիովին դրական – 14,8 տոկոս
• Ավելի շուտ դրական – 29,4 տոկոս
• Ավելի շուտ բացասական – 18,5 տոկոս
• Ընդհանրապես բացասական – 29,9 տոկոս
• Դժվարանում եմ պատասխանել – 7,5 տոկոս

Նույն հարցը տրվել է նաև 5 ամիս առաջ՝ հունվար ամսին, և պատասխանները եղել են հետևյալը․

• Լիովին դրական – 36,8 տոկոս
• Ավելի շուտ դրական – 31,6 տոկոս
• Ավելի շուտ բացասական – 13,7 տոկոս
• Ընդհանրապես բացասական – 14,0 տոկոս
• Դժվարանում եմ պատասխանել – 3,8 տոկոս