ԱԳ փոխնախարար Վահան Կոստանյանի խոսքով՝ Հայաստան–ԱՄԷ հարաբերությունները դինամիկ զարգանում են։
ՀՀ ԱԳ նախարարի Աբու Դաբի կատարած այցի ժամանակ ձեռք են բերվել պրակտիկ պայմանավորվածություններ, որոնց կյանքի կոչման ուղղությամբ աշխատանքներ կտանի Կառավարությունը, և սա կզարգացնի երկու երկրների տնտեսական հարաբերությունները։
«ԱՄԷ-ն Մերձավոր արևելքում առաջին առևտրային գործընկերն է, բայց ավելի մեծ շուկա կա, որին պետք է հասնենք: Կառավարությունն ու ԱԳՆ-ն հոգ են տանում, որ թարմացվի իրավաբանական բազան, որը թույլ կտա խորացնել համագործակցությունը: Կարևոր է վիզաների ազատականացման մասին համաձայնագիրը, որը դեռևս ուժի մեջ չի մտել, այն կակտիվանա ներպետական ընթացակարգերից հետո»,- Հայաստան-Արաբական Միացյալ Էմիրություններ գործարար համաժողովի ժամանակ այսօր լրագրողների հետ ճեպազրույցի ընթացքում ասաց նա։
Ըստ Կոստանյանի՝ սա թույլ կտա ակտիվացնել զբոսաշրջային հոսքերը երկու ուղղություններով։ Համաձայնագիրը պետք է անցնի Սահմանադրական վերահսկողություն և ներկայացվի ՀՀ ԱԺ վավերականացման:
