Առողջապահության համաշխարհային կազմակերպությունը՝ ԱՀԿ-ն, ամեն ինչ կանիԼեռնային Ղարաբաղից բռնի տեղահանվածներին օգնելու համար: Այս մասին Ժնևում ճեպազրույցի ժամանակ ասել է ԱՀԿ գլխավոր տնօրեն Թեդրոս Ադհանոմ Գեբրեյեսուսը։
Նա ընդգծել է, որ բռնի տեղահանվածները գտնվում են խոցելի վիճակում, և որ «բոլոր կողմերը պետք է պաշտպանեն խաղաղ բնակիչներին», իսկ «միջազգային իրավունքը պետք է հարգվի»։ «Մենք ամեն ինչ կանենք՝ ԱՀԿ-ից աջակցություն ցուցաբերելու համար»,- վստահեցրել է գլխավոր տնօրենը։
Ավելի վաղ Երևանում կայացած ճեպազրույցում Հայաստանի կառավարության ղեկավարի մամուլի քարտուղար Նազելի Բաղդասարյանը հայտարարել էր, որ Լեռնային Ղարաբաղից Հայաստան է ժամանել ավելի քան 50 հազար բռնի տեղահանված։
