Արցախից բռնի տեղահանված ևս 4136 անձի նախորդ շաբաթվա ընթացքում վճարվել է 100 000-ական դրամները։ Տեղեկությունը հումանիտար կենտրոնում հրավիրված ասուլիսի ժամանակ հայտնեց ՀՀ աշխատանքի և սոցիալական հարցերի նախարարի խոսնակ Զառա Մանուչարյանը։
«Նախորդ շաբաթ ունեցել ենք հերթական վճարումները։ 100 000 միանվագ աջակցության ծրագրի շրջանակում աջակցություն ստացել է ևս 4136 անձ։ Արդյունքում 100.000 միանվագ աջակցությունն արդեն իսկ վճարվել է 108 336 անձի»,- նշեց Մանուչարյանը։
Անդրադառնալով «40 000 + 10 000» աջակցության ծրագրին` նա ընդգծեց, որ հոկտեմբերին վճարվել է 99 820 հայրենակցի։
