Բելգրադում ընթացող Ֆուդոկան կարատեի աշխարհի 9-րդ առաջնությանը Հայաստանի Դենտո և Ֆուդոկան կարատե Դո ֆեդերացիան այս տարի ներկայացրել է երեք մարզիկ երկու տարիքային խմբում՝ 8-10 տարեկանների և մեծահասակների: Մանկապատանեկան խմբում հանդես եկող Կարեն Ավետիսյանը երկրորդ անգամ է մասնակցում աշխարհի առաջնությանը և այսօր ելույթ կունենա եզրափակչում, Կարենը կպայքարի ոսկե մեդալի համար:
Մեծահասակների խումբը ներկայացնում են Հունան Ավետիսյանը և Տիգրան Մնացականյանը:
