2023-ի դեկտեմբերին անշարժ գույքի նկատմամբ ՀՀ-ում իրականացվել է 21 668 գործարք, 2023-ի նոյեմբերին այս թիվը կազմել է 20 552, իսկ 2022-ի դեկտեմբերին 20 313։ Գործարքներից 6026-ն իրականացվել է Երևանում, 3602-ը՝ Կոտայքի մարզում, 1750-ը՝ Արագածոտնի մարզում։ Այս մասին տեղեկանում ենք ՀՀ Վիճակագրական կոմիտեից։
Անշարժ գույքի գործարքների 35,4%-ը կազմել են օտարման գործարքները․ 2023-ի դեկտեմբերին գրանցվել է օտարման 7662 գործարք, որից 2070-ը Երևանում, 2034-ը՝ ՀՀ մարզերի քաղաքներում, 3558-ը՝ ՀՀ մարզերի գյուղերում։ Առքուվաճառքի գործարքների թիվը կազմել է 4871, որից 1258-ը Երևանում, 1399-ը՝ ՀՀ մարզերի քաղաքներում, 2214-ը՝ ՀՀ մարզերի գյուղերում։ Նշենք, որ Երևանում 2023-ի նոյեմբերին իրականացվել է անշարժ գույքի առքուվաճառքի 1180 գործարք, իսկ 2022-ի դեկտեմբերին՝ 1506 գործարք։
Մարզերից առքուվաճառքի գործարքների թվով ակտիվություն է նկատվել Կոտայքում՝ թվով 94, Արմավիրում՝ 515, Արագածոտնում՝ 471։
2023-ի դեկտեմբերին վարձակալության գործարքները կազմել են 1325, որից 800-ը Երևանում, 261-ը՝ ՀՀ մարզերի քաղաքներում, 264-ը՝ ՀՀ մարզերի գյուղերում։
2023-ի դեկտեմբերին անշարժ գույքի նկատմամբ իրականացված ընդհանուր գործարքների պատկերն ըստ գույքի տեսակների հետևյալն է։ Գործարքների 22,6%-ը վերաբերել է բնակարաններին, 22,8%-ը բնակելի տներին, 39,1%-ը՝ հողերին։ Մասնավորապես՝ բազմաբնակարան շենքի բնակարանների նկատմամբ իրականացվել է 4906 գործարք, որից 3033-ը՝ Երևանում։ Բնակելի տների նկատմամբ իրականացվել է 4934 գործարք, որից 818-ը՝ Երևանում։ Հողերի նկատմամբ իրականացվել է 8481 գործարք, որից 446-ը՝ Երևանում։
Անշարժ գույքի առքուվաճառքի գործարքներում գերակշռել են հողերին առնչվող գործարքները՝ կազմելով 2320, հաջորդում են բազմաբնակարան բնակելի շենքերի վերաբերյալ գործարքները՝ 1074։
2023-ի դեկտեմբերին անշարժ գույքի նկատմամբ օտարերկրյա քաղաքացիների կողմից իրականացված առքուվաճառքի գործարքների պատկերը հետևյալն է, գործարքներից 58,4%-ում եղել են միայն վաճառող, 36,5%-ում՝ միայն գնորդ, 5,1%-ում և՛ գնորդ, և՛ վաճառող։ Նրանք վաճառել են 211 անշարժ գույք, որից 63-ը Երևանում և գնել են 138-ը անշարժ գույք, որից 68-ը՝ Երևանում։
Գործարքներից 89-ը վերաբերել են բազմաբնակարան բնակելի շենքի բնակարաններին վաճառելուն, 54-ը՝ գնելուն։ 71 գործարք էլ վերաբերել է հող վաճառելուն, իսկ 36-ը գնելուն։ ՀՀ-ի անշարժ գույքի շուկայով հետաքրքրված են ՌԴ, ԱՄՆ-ի, Իրանի,Եվրոպական պետությունների, ԱՊՀ պետությունների քաղաքացիները։
2023-ի դեկտեմբերին բազմաբնակարան շենքերի բնակարանների նկատմամբ իրականացված առքուվաճառքի գործարքներն ըստ ՀՀ մարզերի և Երևան քաղաքի դիտարկելիս՝ տեսնում ենք, որ 2023-ի դեկտեմբերին գրանցվել է 1074 գործարք, 2023-ի նոյեմբերին՝ 1151, 2022-ի դեկտեմբերին 1391։
Բազմաբնակարան շենքի բնակարանների նկատմամբ իրականացված գործարքներից 649-ը իրականացվել է Երևանում, 2023-ի նոյեմբերին իրականացվել էր 667-ը, իսկ 2022-ի դեկտեմբերին 933-ը։ Ակտիվությամբ Երևանի հաջորդում է Լոռին, այստեղ բազմաբնակարան բնակելի շենքերի բնակարանների վերաբերյալ իրականացվել է 98 գործարք,հաջորդում է Կոտայքի մարզը՝ 88 գործարք։
2023-ի դեկտեմբերի դրությամբ Երևան քաղաքում բազմաբնակարան շենքերի բնակարանների շուկայական միջին գներն ըստ վարչական շրջանների և գոտիների հետևյալ են։ Բնակարանների 1 քառ․ մետր մակերեսի հաշվարկով շուկայական միջին գները Կենտրոն վարչական շրջանում 2023-ի դեկտեմբերին կազմել է 900 հազար դրամ, 2023-ի նոյեմբերին՝ 893 300 դրամ, 2022-ի դեկտեմբերին՝ 780 հազար դրամ,իսկ առաջին գոտում բնակարանների 1 քառ․ մետրը սկսել է 1 միլիոն 150 հազար դրամից։ 2023-ի դեկտեմբերին Արաբկիրում բնակարանի 1 քառ․ մետրն արժեցել է միջինում 633 300 դրամ, 2023-ի նոյեմբերին՝ 627 500, 2022-ի դեկտեմբերին՝ 546 100 դրամ (առավել մանրամասն՝ աղյուսակում)։
Մարզային քաղաքներից բազմաբնակարան բնակելի շենքերի ամենաթանկ բնակարանները Կոտայքի մարզի Ծաղկաձոր քաղաքում են․ 1 քառ․ մետրի արժեքը միջինում կազմել է 435 050 դրամ, 2023-ի նոյեմբերին այս թիվը 430 հազար դրամ էր, 2022-ի դեկտեմբերին՝ 394 հազար դրամ։ Հաջորդում է Կոտայքի մարզի Աբովյան քաղաքը, այստեղ բազմաբնակարան բնակելի շենքի 1 քառ․ մետրի արժեքը միջինում կազմել է 275 200 դրամ, 2023-ի նոյեմբերին՝ 272 000 դրամ, 2022-ի դեկտեմբերին ՝ 250 500 դրամ։
2023-ի դեկտեմբերին վարձակալության գործարքները կազմել են թվով 1325 գործարք, 2023-ի նոյեմբերին այս թիվը կազմել է 933, 2022-ի դեկտեմբերին՝ 1077։ Գործարքներից 800-ը կնքվել է Երևանում, 2023-ի նոյեմբերին գործարքների թիվը կազմել է 598, 2022-ի դեկտեմբերին՝ 573։ Վարձակալության գործարքներից 146-ը առնչվել են բազմաբնակարան շենքի բնակարաններին, գործարքներից 109-ը կնքվել է Երևանում։
Ընդհանուր առմամբ, 2023-ի 4-րդ եռամսյակում անշարժ գույքի նկատմամբ իրականացվել է 62 035 գործարք, 2023-ի երրորդ եռամսյակում այս թիվը կազմել է 54 103, 2022-ի 4-րդ եռամսյակում՝ 55 097 դրամ։ 2023-ի 4-րդ եռամսյակում առքուվաճառքի գործարքները կազմել են 14 008, որից 3611-ը Երևանում, 3971-ը ՀՀ մարզերի քաղաքներում, 6426-ը ՀՀ մարզերի քաղաքներում։