Իտալիայի խորհրդարանի «Լեգա» կուսակցության պատգամավորներ Մասիմիլիանո Կապիտանիոն և Ջուլիո Չենտեմերոն հայտարարություն են տարածել՝ շեշտելով, որ Ադրբեջանում պահվող հայ ռազմագերիները պետք է ազատ արձակվեն առանց նախապայմանների: 

«Արմենպրեսը» ներկայացնում է իտալացի պատգամավորների հայտարարությունը.

«Ադրբեջանը շարունակում է պատանդառության մեջ պահել բազմաթիվ հայ ռազմագերիների՝ նրանց քաղաքական բանակցություններում օգտագործելու համար՝ Թուրքիայի աջակցությամբ: Տեղեկացել ենք, որ մի քանի օր առաջ համացանցում հայտնվել է Թուրքիայի և Ադրբեջանի նախագահների զրույցի մի մտահոգիչ տեսանյութ, որը հաստատում է այն փաստը, որ Ադրբեջանում հայ գերիները անօրինական են պահվում և օգտագործվում են ականապատ տարածքների քարտեզների կամ այլ զիջումների դիմաց փոխանակման համար։

Այս հարցի վերաբերյալ անհրաժեշտ է պարզություն և հրատապ ու խիստ դիրքորոշում բոլոր միջազգային գործընկերների կողմից` դադարեցնելու համար մարդկային կյանքերի վերաբերյալ շահարկումները:

Ակնկալում ենք, որ մեր կառավարությունը շուտափույթ իր ձայնը լսելի դարձնի՝ իր դիրքորոշումը հայտնելով ընդդեմ նրանց, ովքեր շարունակում են խախտել միջազգային մարդասիրական իրավունքի բոլոր դրույթները։ Ուստի պահանջում ենք, որ բոլոր ռազմագերիները և պահվող քաղաքացիական անձինք անմիջապես ազատ արձակվեն և հայրենադարձվեն առանց նախապայմանների»:

Լեոնարդո դա Վինչիի «Մոնա Լիզայի» վերարտադրությունը հունիսի 18-ին Փարիզի «Քրիստի» աճուրդի տան առցանց աճուրդում վաճառվել Է 2,9 միլիոն եվրոյով, տեղեկացնում է Reuters-ը:

Անցյած շաբաթ «Քրիստին» վաճառքի էր հանել «Հեքինգի Մոնա Լիզան», որն անհայտ նկարիչը Լեոնարդո դա Վինչիի գլուխգործոցը վերարտադրել էր 17-րդ դարի սկզբին: Առցանց աճուրդի վերջին ժամին նկարի գինը 500 000 եվրոյից հասել է 2,9 միլիոնի: «Քրիստի» աճուրդի տունը «Մոնա Լիզայի» վերարտադրության գինը ռեկորդային է համարել:

«Մոնա Լիզայի» կեղծ տարբերակը ֆրանսիացի Ռայմոնդ Հեքինգը գնել է 1953 թվականին Ֆրանսիայի հարավում գտնվող անտիկ խանութում և տարիներ շարունակ փորձել է աշխարհին համոզել, որ իրեն պատկանող «Մոնա Լիզան» բնօրինակն է, իսկ «Լուվրինը»՝ կեղծ:

Հեքինգը պատճառաբանել է, որ 20-րդ դարի սկզբին տեղի ունեցած կողոպուտից հետո բնօրինակ նկարն այդպես էլ չվերադարձվեց և հայտնվեց Պրովանսի Մագագնոսկ գյուղի խանութում, իսկ Ֆրանսիայի մայրաքաղաքի աշխարհի ամենահայտնի պատկերասրահում ցուցադրվեց նկարի կեղծ տարբերակը:

Նիդերլանդների խորհրդարանի արտաքին հարաբերությունների հանձնաժողովի հունիսի 16-ին նիստի ընթացքում, ի թիվս այլ հարցերի, խորհրդարանականների և ԱԳ նախարար Սիգրիդ Կաախի միջև մանրամասն քննարկում է ծավալվել Արցախի դեմ ադրբեջանա-թուրքական ագրեսիայի և հետագա զարգացումների շուրջ։ «Արմենպրես»-ի հաղորդմամբ, վերոնշյալ քննարկման ընթացքում Նիդերլանդների տարբեր քաղաքական ուժեր ներկայացնող պատգամավորները ԱԳ նախարարին ուղղել են տասնյակ հարցեր ադրբեջանա-թուրքական ագրեսիայի հետևանքների, ԵՄ-Ադրբեջան համագործակցությունը դադարեցնելու, Ադրբեջանի ղեկավարության նկատմամբ պատժամիջոցներ սահմանելու, ագրեսիայի հետևանքները վերացնելու, Թուրքիայի սադրիչ դերակատարման և համանման այլ թեմաների վերաբերյալ։

Նիստից առաջ Նիդերլանդների ԱԳ նախարար Սիգրիդ Կաախը 4 էջանոց նամակ էր ուղղել խորհրդարանին (ի կատարումն նախորդ քննարկման ստանձնած պարտավորության), որում անդրադարձ է կատարել Ղարաբաղյան հիմնախնդրի պատմությանը, կարգավորման գործընթացին, Արցախի դեմ սանձազերծված ագրեսիային, ինչպես նաև հետպատերազմական զարգացումներին և հայ ռազմագերիների անհապաղ հայրենադարձման անհրաժեշտությանը։

Մասնավորապես, խորհրդարանին ուղղված նամակում Սիգրիդ Կաախը վերահաստատել է Նիդերլանդների դիրքորոշումը միջազգային միասնական գործողությամբ նպաստելու հակամարտության վերջնական կարգավորմանը՝ հավելելով, որ Նիդերլանդները մտադիր է այսուհետ ևս շարունակել ԵՄ և ԵԱՀԿ շրջանակներում տարվող աշխատանքները։ Բացի այդ, Սիգրիդ Կաախը վերահաստատել է նիդերլանդական կողմի այն դիրքորոշումը, համաձայն որի «բոլոր ռազմագերիները պետք է անհապաղ հայրենադարձվեն»՝ մասնավորեցնելով, որ Նիդերլանդները շարունակելու է սույն հարցի բարձրաձայնումը։

ԱԳ նախարարի պաշտոնակատարը նամակում նաև անդրադարձ է կատարել այսպես կոչված «Ռազմական ավարի պուրակի» բացմանը, նշելով, որ նման քայլերը «թշնամանք են հրահրում»: Սիգրիդ Կաախը վերահաստատել է մշակութային ժառանգության պահպանման կարևորությունը և շեշտել ՅՈՒՆԵՍԿՕ-ի առաքելության գործուղումը տարածաշրջան, ռազմական հանցագործությունների համար պատասխանատվություն ենթարկելու անհրաժեշտությունը, անդրադարձ կատարել հակամարտության արդյունքում տուժածներին հումանիտար օգնության հատկացման հարցին և սահմանազատման ու վստահության վերականգնման հարցերում ԵՄ հնարավոր աջակցությանը։

«Ես Երևանին կոչ եմ անում օգտվել «Վեցյակի հարթակի» (Ռուսաստան, Թուրքիա, Իրան, Վրաստան, Հայաստան և Ադրբեջան) շրջանակներում տարածաշրջանում համագործակցության հնարավորություններից։ Հայաստանի հետ հարաբերությունների կարգավորման համար կանենք մեզնից կախված ամեն ինչ»,- Շուշիում հայտարարել է Էրդողանը։

Նշենք, որ Շուշիում տեղի է ունեցել Թուրքիայի և Ադրբեջանի նախագահների մասնակցությամբ թուրք-ադրբեջանական փաստաթղթերի ստորագրման արարողությունը. մասնավորապես ստորագրվել է Շուշիի հռչակագիրը:

«Այսօր մենք ոչ միայն խոսում ենք Զանգեզուրի միջանցքի մասին, որը ճանապարհային և երկաթուղային ճանապարհով կապելու է Ադրբեջանը և Թուրքիան, այլ նաև գործնական գործողություններ ենք իրականացնում», - ընդգծել է Ադրբեջանի ղեկավարը:

Ըստ Ալիևի` ստորագրված փաստաթուղթը հստակ դրույթներ է պարունակում Զանգեզուրի միջանցքի վերաբերյալ:

«Հռչակագիրը հիմնված է Կարսի պատմական պայմանագրի վրա: Այն վերաբերում է համագործակցության տարբեր ոլորտներին», - բացատրել է նա` հավելելով, որ դաշնակցության վերաբերյալ այս հռչակագիրն ամենաբարձր մակարդակին է բարձրացնում Բաքվի ու Անկարայի հարաբերությունները:

Իլհամ Ալիևն ասել է, որ Շուշիի հռչակագրում շոշափվում են երկու երկրների միջև պաշտպանական ոլորտում փոխօգնության խնդիրները:

Ֆրանսիան` որպես ԵԱՀԿ Մինսկի խմբի համանախագահող երկրներից մեկը, ողջունել է 15 հայ գերիների ազատ արձակումը և Հայաստանի կողմից ականապատման քարտեզների փոխանցումը Ադրբեջանին։

«Սա կարևոր քայլ է, որը կնպաստի լարվածության թուլացմանը և կողմերի միջև վստահության վերականգնմանը՝ Կովկասում տևական խաղաղություն հաստատելու նպատակով»,- նշվում է Ֆրանսիայի ԱԳՆ հաղորդագրության մեջ:

Ֆրանսիան կողմերին կոչ է անում շարունակել պահպանել հրադադարի ռեժիմը, կատարել 2020-ի նոյեմբերի 9-ին ձեռք բերված համաձայնություններում ներառված պարտավորությունները՝ մասնավորապես բոլոր ռազմագերիների ազատ արձակումը: Ֆրանսիան Մինսկի խմբի համանախագահների հետ, շարունակում է վճռականորեն աշխատանք տանել կողմերի հետ՝ այս հարցի լուծմանը նպաստելու համար»,- նշվում է հաղորդագրության մեջ:

Եվրոպական միությունը ողջունում է Վրաստանի աջակցությամբ՝ Հայաստանի և Ադրբեջանի գործողությունները, որոնք հանգեցրել են՝ հունիսի 12-ին Ադրբեջանի կողմից 15 հայ գերիների ազատ արձակմանը և Հայաստանի կողմից ականապատ տարածքների քարտեզների փոխանցմանը։ «Արմենպրես»-ի փոխանցմամբ, այս մասին հայտարարություն է տարածել Եվրամիության բարձր ներկայացուցիչ Ջոզեպ Բորելը:

«Այս գործողությունները կարևոր մարդասիրական և վստահության ամրապնդմանն ուղղված ժեստեր են Բաքվի և Երևանի կողմից, որոնք, հուսանք, նոր ուղի են հարթելու կողմերի միջև հետագա համագործակցության, ի վերջո, բոլոր հայ պահվող անձանց ազատ արձակման, ինչպես նաև տարածքների ականապատման բոլոր առկա քարտեզների հանձնման համար՝ խուսափելու հետագա մարդկային զոհերից»,- նշել է Բորելը։

Նա ընդգծել է, որ Եվրոպական միությունը և միջազգային մյուս դերակատարներն ակտիվորեն խրախուսել են այս ուղղությամբ քայլեր ձեռնարկելը և հորդորել շարունակել ներգրավված երկրների միջև հետագա համագործակցությունն այդ ուղղությամբ։

«Մենք կշարունակենք խթանել հակամարտության կայուն և համակողմանի կարգավորումը, այդ թվում՝ հնարավորության դեպքում իրականացնելով կայունացմանը, հետ-պատերազմական վերականգնմանը և վստահության ամրապնդմանն ուղղված միջոցառումներ, ինչպես նաև վերահաստատում ենք մեր կոչը Հայաստանին և Ադրբեջանին՝ վերստին ներգրավվել ԵԱՀԿ ՄԽ համանախագահների հովանու ներքո առարկայական բանակցություններում»,- հայտարարել է ԵՄ բարձր ներկայացուցիչը։

Մահացել է Պետդումայի պատգամավոր Լարիսա Շոյգուն՝ ՌԴ պաշտպանության նախարար Սերգեյ Շոյգուի քույրը: Այս մասին հայտնում է ՌԻԱ-Նովոստին:

Դումայի «Միասնական Ռուսաստան» (Единая Россия) խմբակցությունը հրապարակել է խմբայկցության ղեկավար Սերգեյ Նևերովի ցավակցական ուղերձը, որում ասված է.

«Լարիսա Շոյգուի մահվան կապակցությամբ իմ խորին ցավակցությունն եմ հայտնում նրա հարազատներին և մտերիմներին»:

Պատգամավորի մահվան պատճառ է դարձել կորոնավիրուսի բարդությունների հետևանքով ստացած ուղեղի կաթվածը:

Լարիսա Շոյգուն ծնվել է 1953 թ. հունվարի 21-ին:

Միացյալ Նահանգները շարունակում է ուսումնասիրել Ադրբեջանին տարատեսակ օգնություն, այդ թվում և ռազմական աջակցություն տրամադրելու հետագա նպատակահարմարությունը՝ հաշվի առնելով Լեռնային Ղարաբաղի շուրջ հակամարտության գոտում լարվածության պահպանումը: Այս մասին Սենատում արտաքին գործերի հանձնաժողովում լսումների ժամանակ հայտարարել է ԱՄՆ պետքարտուղար Էնթոնի Բլինկենը:

Հանձնաժողովի ղեկավար Ռոբերտ Մենենդեսը հայտարարել է, որ հիասթափված է ԱՄՆ ղեկավարության՝ բացառության կարգով Ադրբեջանի կառավարությանը, այդ թվում և ռազմական օգնություն տրամադրելու որոշմամբ: Նման որոշման մասին ԱՄՆ իշխանությունները հայտարարել էին մայիսին: 

«Մենք շարունակելու ենք ուսումնասիրել հարցը: Ես ակտիվորեն աշխատել եմ սրա շուրջ: Հատկապես գերիների վերադարձի, բանակցությունների շուրջ` նպատակ ունենալով կարգավորելու հակամարտությունը»,- ասել է ԱՄՆ պետքարտուղարը՝ հրաժարվելով այլ մեկնաբանություններից:

ՌԴ ԱԳՆ-ն հայտնում է, որ Ռուսաստանի, Ֆրանսիայի ու Գերմանիայի արտգործնախարարներ Սերգեյ Լավրովը, Ժան-Իվ Լը Դրիանը և Հայկո Մաասը հեռախոսազրույց են ունեցել, որի ժամանակ, ի թիվս այլ հարցերի, քննարկել են նաև հայ-ադրբեջանական սահմանին ու Լեռնային Ղարաբաղի շուրջ իրավիճակը, ինչպես նաև 2020-ի նոյեմբերի 9-ի և սույն թվականի հունվարի 11-ի եռակողմղ հայտարարությունների դրույթների իրականացման գործընթացը: 

Ըստ գերատեսչության՝ 3 երկրների ԱԳ ղեկավարներն ընդգծել են հրադադարի ռեժիմը խիստ պահպանելու կարևորությունն ու ծագած տարաձայնությունները քաղաքական ու դիվանագիտական ճանապարհով լուծելու անհրաժեշտությունը: Նախարարները վերահաստատել են նաև Հայաստանի ու Ադրբեջանի բանակցային գործընթացում ԵԱՀԿ Մինսկի խմբի դերակատարումը:

Ռուսական կողմը նշել է, որ միջազգային ցանկացած կազմակերպության ներգրավումը գործընթացին հնարավոր է միայն Երևանի ու Բաքվի համաձայնությամբ:

Ռեփեր Տիմատին առաջին անգամ հանրությանը ներկայացել է «Холостяк» շոուի հաղթող Եկատերինա Սաֆարովայի հետ: Զույգն այցելել է Муз-ТВ հեռուստաալիքի մրցանակաբաշխությանը եւ կերպարանք է ընդունել լուսանկարիչների առջեւ։ Ավելի ուշ Տիմատին եւ նրա ուղեկիցը մոտեցել են միջոցառման հաղորդավար Նաստյա Իվլեեւային. հնարավոր է, ռեփերը աստղային հաղորդավարուհուն ծանոթացրել է նոր սիրելիի հետ:

Ոչ Տիմատին, ոչ էլ նրա սիրելին նախքան մրցանակաբաշխությունը չեն բացահայտել իրենց հարաբերություններ մանրամասները։ Սաֆարովան նույնիսկ չէր պատասխանում այն հարցերին, թե ինչ է կատարվում իր եւ հայտնի արտիստի միջեւ։ Մինչեւ շոուի ավարտը զույգը չի կարող հայտնվել հասարակության առջեւ, այսպիսին են պայմանագրի պայմանները, որոնք ստորագրում են մասնակիցները:

Իր էջում Սաֆարովան ցույց է տվել միջոցառման նախապատրաստման գործընթացը։ Նա կարճ տեսանյութ է նկարահանել մեքենայից, որտեղ գտնվում է Տիմատիի հետ։ Զույգն ընտրել է սեւ գույնի հագուստ։ Տիմատին հայտնվել է կաշվե բաճկոնով, իսկ Կատյան գերադասել է խորը դեկոլտեով եւ ոտքի հատվածում համարձակ բացվածքով զգեստ։

«Մինչ աշխարհը պայքարում էր համավարակի դեմ, Արցախում երեխաները թաքնվում էին ապաստարաններում:

Նրանցից մեկը՝ 8-ամյա Մերին նշում է. «Բախտներս բերեց, որ կիրակի էր, թե չէ որ գնայինք դպրոց, շատ վատ կլիներ..., քանի որ եթե դպրոց գնացած լինեինք, դժվար թե կենդանի մնայինք»»:

Եվրոպայի խորհրդի խորհրդարանական վեհաժողովում իր ելույթը այսպես է սկսել ՀՀ պատվիրակության անդամ Տաթևիկ Հայրապետյանը՝ խոսելով պատերազմի հետևանքով երեխաների վտանգված իրավունքների ու կործանված կյանքերի մասին:

Ելույթը ներկայացնում ենք ստորև.

«Ադրբեջանական ագրեսիայի հետևանքով, որն ակնհայտ աջակցություն էր ստացել Թուրքիայի կողմից, բազմաթիվ վիրավորներ բժշկական օգնության կարիք ունեին, ինչի հետևանքով Հայաստանի և Արցախի առողջապահական համակարգերը հայտնվեցին աննախադեպ ճնշման տակ: Սա հարկադրեց COVID–19-ի բուժման հարցով մասնագիտացված կենտրոններին վերափոխվել և հարմարվել նոր իրավիճակին: 150000 բնակչություն ունեցող Լեռնային Ղարաբաղում, մինչև Ադրբեջանի հարձակումը, կովիդով 300 հիվանդ էր բուժում ստանում, սակայն բազմաթիվ ավերածությունների և տեղահանության հետևանքով անհնար դարձավ հետագայում վիճակագրություն ունենալ համավարակի վերաբերյալ: Բացի այդ, բազմաթիվ մարդկանց առկայությունն ապաստարաններում համավարակի տարածումը դարձրեց անկառավարելի:

Ժնևի կոնվենցիաներին կից Արձանագրություն 1-ի 77-րդ արձանագրության համաձայն՝ «Երեխաներն օգտվում են հատուկ հարգանքից, և ապահովվում է նրանց պաշտպանությունը ամեն կարգի անվայելուչ ոտնձգություններից...», սակայն դա ընդհանրապես կիրառություն չունեցավ Արցախում տեղի ունեցած 44-օրյա պատերազմի ժամանակ: Պատերազմի հետևանքով երեխաները տուժել են ոչ միայն ֆիզիկապես, այլ նաև հոգեպես: Նրանցից շատերը կորցրել են իրենց ծնողներին, իրենց տունը, նորմալ կյանքը և հարկադրված էին նայել մահվան աչքերին: Ներկայացնեմ մի կարճ վիճակագրություն՝ ադրբեջանական ագրեսիայի հետևանքով Արցախում 71 դպրոց և 14 մանկապարտեզ ավերվել են: Համավարակով ուղեկցվող ագրեսիայի հետևանքով, ավելի քան 8000 աշակերտ զրկվել է կրթություն ստանալու իրավունքից: Այսպիսով, համավարակով ուղեկցվող ագրեսիան կործանել է Արցախում և Հայաստանում ապրող բազմաթիվ երեխաների կյանքեր՝ ստեղծելով բազմաթիվ առողջական և հոգեբանական խնդիրներ ամբողջ կյանքի համար: Շնորհակալ եմ կարևոր զեկույցի համար, ես անհրաժեշտ համարեցի, որ ևս մեկ անգամ բոլորս ուշադրություն դարձնենք այն հանգամանքին, որ մինչ միջազգային ամբողջ հանրությունը կոչ էր անում պայքարել համավարակի դեմ, Արցախում մարդիկ հարկադրված էին պայքարել ադրբեջանական ագրեսիայի դեմ»:

Վարչապետի պաշտոնակատար Նիկոլ Փաշինյանը, արտախորհրդարանական քաղաքական մի շարք ուժերի հետ քննարկումների շրջանակում, այսօր ընդունել է Տիգրան Արզաքանցյանին:

Նիկոլ Փաշինյան - Հարգելի պարոն Արզաքանցյան, ուրախ եմ Ձեզ տեսնելու համար: Շնորհակալ եմ հանդիպման հրավերն ընդունելու համար: Ցավում եմ, որ նախընտրական քարոզարշավի ընթացքում անձամբ Ձեր թեկնածության գրանցումն ուժը կորցրած ճանաչվեց: Հույս ունեմ՝ վստահ եք, որ դա Հայաստանի օրենսդրության նրբությունների հետ է կապված, և Կենտրոնական ընտրական հանձնաժողովի կայացրած որոշումն է: Այնուամենայնիվ, ես այսօր կարևոր եմ համարում քննարկումը հետագա թեմաների մասին: Ձեր տեսակետները կուզենայի լսել՝ ինչ պետք է մենք անենք, որպեսզի արտախորհրդարանական ընդդիմությունը և կառավարությունը փոխադարձաբար ավելի լսելի և հասանելի լինեն միմյանց համար: Կուզենայի նաև Ձեր դիրքորոշումներն իմանալ Հայաստանի քաղաքական կյանքի հետագա ընթացքի վերաբերյալ: Շնորհակալ եմ:

Տիգրան Արզաքանցյան - Շնորհակալ եմ հրավերի համար: Ամենակարևորը, որ մեր կուսակցությունն ունի շատ բարելավ ծրագրեր: Ես շատ կուզենայի, որ այսօրվա նոր ղեկավարության հետ, կառավարության հետ մենք քննարկենք Արցախի շուրջ, կրթության համակարգի, տնտեսության զարգացման շուրջ հարցեր: Ես ինձ համարում եմ հայրենասեր հայ և կուզենայի անձամբ իմ հայրենիքի համար իմ գիտելիքներն ու ծրագրերը, ներդրումները, որ ժամանակին կատարել եմ, լինեն արդյունավետ, մեր երկրին ծառայեն, այսօրվա իշխանության հետ բանակցությունները կշարունակվեն:

Ես մտածում եմ մեր պետության զարգացման մասին, մեր կուսակցական ընկերները՝ նույնպես: Մենք կուզենայինք բոլոր այդ խնդիրների շուրջ համագործակցել, բանակցությունները լինեն շարունակական և արդյունավետ մեր երկրի զարգացման համար: Ամենակարևորն անվտանգությունն է, տնտեսության զարգացումը, ընտրությունները գալիս-գնում են, վերջանում են, դրանով չի վերջանում կյանքը: Մենք պետք է շարունակենք, որ, ամենակարևորը, կարողանանք մեր երկրի անունը բոլոր տեղերում բարձր պահել ու զարգացնել: Այս ընտրության արդյունքներն էլ արդեն բոլորիս համար պարզ են: Դրանով, կրկին ասում եմ, կյանքը չի վերջանում: Մենք պատրաստ ենք արդյունավետ համագործակցել ու քննարկել բոլոր հարցերը:

Զրուցակիցները քննարկել են ներուժի և կարողությունների համախմբմանը, հետագա գործակցության հեռանկարներին վերաբերող հարցեր:

• Կ

Ժողովրդի քվեն շահած կուսակցությունն այլընտրանք չունի` բացի օրինբուն աշխատելուց:

Աս մասին հունիսի 23-ին Գյումրիում Հանրային ծառայությունների միասնական գրասենյակի բացմանը լրագրողներին ասաց ՀՀ փոխվարչապետի պաշտոնակատար Տիգրան Ավինյանը։ «Հայաստանի Հանրապետության համար լավ ժամանակաշրջան է բացվում՝ աշխատանքի, զարգացման, առաջընթացի և հնարավորությունների, և այս ժամանակը բոլոր պետական մարմինները պետք է օգտագործեն ի նպաստ ՀՀ զարգացման»,- նշեց Տիգրան Ավինյանը:

Անդրադառնալով գերիների վերադարձի խնդրին՝ ՀՀ փոխվարչապետի պաշտոնակատարը նշեց.
«Գործընթացը շարունակական է, գործընթաց կա, ինչպես տեսել ենք։ Դա հեշտ պրոցեսներից չէ, բայց համոզված եմ, որ ունենք փոխհամաձայնությունների գալու ու երկկողմանի խնդիրները լուծելու հնարավորություն», - նշեց Տիգրան Ավինյանը։

Ռուսական կողմի հետ քննարկումներ են ընթանում Գեղարքունիքի մարզում սահմանապահների տեղակայման վերաբերյալ, սակայն դա կարող է տեղի ունենալ այն դեպքում, եթե ադրբեջանական զորքերն ամբողջությամբ լքեն Հայաստանի տարածքը: Այս մասին լրագրողների հետ զրույցում ասել է ՀՀ փոխվարչապետի պաշտոնակատար Տիգրան Ավինյանը Գյումրիում Հանրային ծառայությունների միասնական գրասենյակի բացման ժամանակ։

Նրա խոսքով ՝ Հայաստանը սահմանային ճգնաժամի հարցում իր դիրքորոշումից չի նահանջի։ Քննարկումները հակառակորդի զորքերի դուրսբերման շուրջ շարունակվում են, և մոտ ժամանակներս սպասվում է այդ բանակցությունների ևս մեկ փուլ։

«Միանշանակ ադրբեջանական ստորաբաժանումները պետք է լքեն Հայաստանի տարածքը, և մենք ջանք չենք խնայի այդ խնդիրը լուծելու համար», - ասել է նա:

ՌԴ նախագահ Վլադիմիր Պուտինն ընդգծել է, որ Լեռնային Ղարաբաղի հակամարտությունը կանգնեցվել է Ռուսաստանի վճռորոշ ներդրման շնորհիվ: «ՌԻԱ Նովոստի»-ի հաղորդմամբ` այս մասին ռուս նախագահը հայտնել է Միջազգային անվտանգության հարցով մոսկովյան համաժողովի շրջանակում:

«Ռուս խաղաղապահները հուսալիորեն երաշխավորում են անվտանգությունն ու խաղաղությունը տարածաշրջանում, շատ բան են անում հումանիտար իրավիճակի բարելավման, տարածքի ականազերծման, սոցիալական ենթակառուցվածքների վերականգնման համար»,- նշել է Պուտինը:

Նա հավելել է, որ Ռուսաստանը «չի մոռանում պատասխանատվության մասին, որը կրում է հարևան երկրների անվտանգության և զարգացման համար, որոնց հետ իրենց միավորում են անքակտելի պատմական, մշակութային, մարդկային կապերը»:

«Ժողովուրդ» օրաթերթը գրում է. «Հունիսի 28-ին Կենտրոնական ընտրական հանձնաժողովի կողմից արտահերթ ընտրությունների արդյունքների հաստատումից հետո, ըստ էության, կմեկնարկի Ազգային ժողովի ձեւավորման փուլը:

Դրանից հետո հայտնի կդառնա, թե իշխանական թեկնածուներից ովքեր կգան խորհրդարան, ովքեր պաշտոններ կստանան, իսկ ընդդիմադիր թեկնածուների դեպքում էլ՝ ովքեր կհրաժարվեն մանդատներից:

Արդեն դրանից հետո խորհրդարանի ձեւավորման աշխատանքներ կիրականացվեն հենց ներսում: Սահմանադրությամբ խորհրդարանի 3 փոխնախագահներից մեկը պետք է ընտրվի ընդդիմադիր խմբակցությունների կազմից: Այս դեպքում ընդդիմադիր փոխնախագահի աթոռը բաժին կհասնի «Հայաստան» դաշինքին, ավելի կոնկրետ՝ ԱԺ փոխնախագահ կլինի Իշխան Սաղաթելյանը:

Յ ՄԱզգային ժողովի փոխնախագահի, ինչպես նաեւ մշտական հանձնաժողովների նախագահների ընտրությունը տեղի է ունենալու նորընտիր ԱԺ առաջին նիստի ժամանակ: Մշտական հանձնաժողովները խորհրդարանական ուժերին տրվում է Դոնթի բանաձեւով: Այս պահին խորհրդարանում առկա է 11 հանձնաժողով. եթե փոփոխություն չլինի, ապա «Քաղաքացիական պայմանագիր» կուսակցությունը կստանա 8 հանձնաժողով, «Հայաստան» դաշինքը՝ 2 հանձնաժող
ով, իսկ «Պատիվ ունեմ»-ը՝ 1 հանձնաժողով:

Առաջին նիստի ժամանակ պետք է ընտրվոն նաեւ ԱԺ նախագահ եւ փոխնախագահներ, որոնք լինելու են արդեն իշխանական խմբակցությունից: Այս պահին ԱԺ նախագահի հավանական թեկնածուն Ալեն Սիմոնյանն է»:

Ավելի մանրամասն՝ «Ժողովուրդ» օրաթերթի այսօրվա համարում։

Մանդատները վերցնեու հարցում որոշում չունենք։ Այս մասին այսօր «Հայաստան» դաշինքի առաջնորդների մամուլի ասուլիսի ժամանակ լրագրողների հետ հանդիպմանն ասաց Ռոբերտ Քոչարյանը՝ նշելով, որ միայն իր կարծիքը կարող է ասել։

«Երեկ Սեյրան Օհանյանը մի հետաքրքիր համեմատություն արեց: Ասաց, որ մարտական գործողությունների ժամանակ, եթե ամբողջական խնդիրը չի լուծվում, սակայն դու վերցնում ես ինչ-որ խրամատներ, դրանք պետք է պահես, ամրացնես հետագա գրոհների համար:

Հիմա պատերազմ չէ, քաղաքական պայքար է: Ես այո համարում եմ, որ մենք ստացել ենք մեր պայքարը շարունակելու համար շատ լուրջ, նոր հնարավորություններ»,-ասաց նա:

Քոչարյանն ասաց, որ տրամադրված են շարունակել պայքարը. «Խորհրդարանական պայքարը կարող է ուժեղացնել, բայց չի փոխարինելու փողոցային պայքարին: Մենք մեծ փորձ ունենք ու համատեղելն ուժեղացնում է այդ հնարավորությունները»:

Պատասխանելով նաև լրագրողի հարցին՝ նա ասաց․ «Ես ինձ դժվար եմ տեսնում խորհրդարանում»։

Այսօր ՀՀ վարչապետի պաշտոնատար, ՛՛Քաղաքացիական պայմանագիր՛՛ կուսակցության ընտրական ցուցակը գլխավորող Նիկոլ Փաշինյանը քաղաքական գործընթացի բոլոր մասնակիցներին երկու առաջարկ-կոչ արեց ՔՊԿ-ի հանրահավաքի ժամանակ:

Նա կոչով դիմեց քաղաքական և հանրային գործընթացի բոլոր մասնակիցներին. ՛՛Հայաստանի ժողովուրդը կայացրել է իր որոշումը: ՀՀ ժողովուրդը ստեղծել է նոր քաղաքական իրադրություն և իրավիճակ: Եվ այդ իրավիճակի առաջին կետն ու հանգրվանը հետևյալն է՝ ես առաջարկում եմ բոլոր քաղաքական ուժերին, բոլոր քաղաքական, հանրային մասնակիցներին սկսել մի պարզ կետից՝ վերջ դնել հայհոյախոսությանը:

Եվ ես առաջին հերթին մեր քաղաքական համախոհներին, կողմնակիցներին եմ կոչ անում, որ մենք վերջ դնենք հայհոյախոսությանը, որովհետև Հայաստանի և Արցախի պատմության մեջ նոր էջ է բացվում, և մենք պետք է այդ էջը սկսենք ազգային և հանրային ներուժի համախմբմամբ, նոր արժեքների, իրապես ժողովրդավարական արժեքների, պետական և ազգային արժեքների վերահաստմամբ՛՛:

Փաշինյանն ընդունեց, որ ինքն էլ օբյեկտիվ և սուբյեկտիվ պատճառներով, գուցե՝ ստիպված, գուցե՝ կամա, գուցե՝ ակամա, չի խուսափել այդ տրամաբանությունից: Նա ասաց. ՛՛Բայց ես առաջինն ինքս եմ ստանձնում այդ պարտավորությունը և կոչ եմ անում մեր բոլոր կողմնակիցներին՝ վերջ դնել հայհոյախոսությանը, անհարկի ագրեսիվությանը, անհարկի թշնամանքին, որովհետև մենք լրջագույն մարտահրավերների առաջ ենք, և պետք է պետականության կառուցման այս նոր և հրաշալի էջը բացենք՛՛:

Միևնույն ժամանակ նա նշեց, որ սա չի նշանակում, որ նախկինում ժողովրդի առաջ ստանձնած որևէ պարտավորությունից կհրաժարվեն՝ հավելելով, որ Հայաստանում լինելու է անառարկելի օրինականություն, կարգ ու կանոն և պատասխանատվության անխուսափելիություն:

Նա հնչեցրեց երկրորդ առաջարկը հանրային, քաղաքական կյանքի մասնակիցներին: Փաշինյանի խոսքով՝ ժողովրդից գողացվածի վերադարձը միշտ եղել է իրենց կառավարության հրատապ օրակարգը: Փաշինյանը շեշտեց, որ նախորդ երեք տարիների ընթացքում ոչ ոքից ոչինչ չեն խլել, ցանկացել են, որ երկրում գործեն ինստիտուտներ, որոնք դուրս կլինեն անձերի և անհատների քմահաճույքից: Նա հիշեցրեց, որ ապօրինի գույքի բռնագանձման մեխանիզմը գործարկված է, այն անխուսափելիորեն գործելու է:

Փաշինյանն ասաց. ՛՛Իմ նախորդ առաջարկի տրամաբանության մեջ ուզում եմ առաջարկել բոլոր այդօրինակ մարդկանց և հիշեցնել, որ մեր ընդունած օրենսդրական փոփոխությունների արդյունքում այդ մարդիկ, որոնք ունեն նմանատիպ խնդիրներ, կարող են բանակցել պետության հետ՝ գողացվածն ինքնակամ վերադարձնելու վերաբերյալ:

Եվ ես բոլոր այդ մարդկանց կոչ եմ անում հենց այսօրվանից չկորցնել հնարավորությունը և չհասնել նրան, որ պետական թափանիվները սկսեն գործել: Կոչ եմ անում անհապաղ սկսել բանակցություններ՝ գողացվածը վերադարձնելու վերաբերյալ, որը կծառայի ՀՀ սոցիալ-տնտեսական օրակարգի սպասարկմանը՛՛:

Հայաստանում քաղաքական ճգնաժամը հաղթահարված է և ավարտված: Այս մասին այսօր ՔՊԿ-ի  հանրահավաքի ժամանակ ասաց ՀՀ վարչապետի պաշտոնակատար, ՛՛Քաղաքացիական պայմանագիր՛՛ կուսակցության նախընտրական ցուցակը գլխավորող Նիկոլ Փաշինյանը:

Նա, մասնավորապես, նշեց. ՛՛Բոլորս վերադառնում ենք Հայաստանը նորովի կառուցելու, մեր երեխաների այս օրը և ապագան կառուցելու ամենօրյա քրտնաջան և տքնաջան աշխատանքին: Վերադառնում են Արցախի Հանրապետությանը զորավիգ լինելուն: Մեր Զինված ուժերին, մեր բանակը բարեփոխելուն, վերականգնելուն:

Մեր երկրի տնտեսությունը զարգացնելուն, մեր խոստացած 500 մանկապարտեզները, 300 դպրոցները, 2600 կմ ճանապարհները կառուցելուն: Առնվազն 7 տոկոս տնտեսական աճ արձանագրելուն, պետական բյուջեի եկամուտները մեծացնելուն, Հայաստանը և հայ ժողովրդին հարստացնելու և երկիրը հարստացնելու աշխատանքին՛՛:

Անդրադառնալով ընտրություններին՝ Փաշինյանը նշեց, որ չի լինելու հետընտրական պրոցես, քանի որ ընտրությունները տեղի են ունեցել օրինական և արդար, ժողովուրդը կայացրել է իր որոշումը, իսկ այդ որոշման հետ անհրաժեշտ է հաշվի նստել:

Հանրահավաքը ավարտին քաղաքացին Նիկոլ Փաշինյանին հանձնեց խորհրդանշական պողպատե մանդատ՝ Սահմանադրության տեսքով:

Փաշինյանն ասաց. ՛՛Այս մանդատն արձանագրում է, որ ՀՀ-ում ժողովրդի կամքով հաստատվում է իրավունքի և օրենքի դիկտատուրա՝ հենց այս պահից, հենց այս վայրկյանից: Այս մանդատը մենք իրականացնելու ենք լիարժեք: Այո՛, այս մանդատի մեջ մուրճ էլ կա, սուր էլ կա, բահ էլ կա: Կա այն ամենը, ինչ անհրաժեշտ է ազատ, երջանիկ, հզոր Հայաստան կառուցելու համար:

Շնորհակալ ենք մանդատը մեզ շնորհելու համար: Հավատացեք, մենք այն անմնացորդ կծառայեցնենք Ձեզ, Հայաստանին, ՀՀ քաղաքացուն և ժողովրդին, Արցախի Հանրապետությանը՛՛:

ՀՀ վարչապետի պաշտոնակատար, ՛՛Քաղաքացիական պայմանագիր՛՛ կուսակցության ընտրական ցուցակը գլխավորող Նիկոլ Փաշինյանը պատրաստվում է խորհրդակցություններ սկսել ընտրություններին մասնակցած քաղաքական ուժերի հետ, նաև՝ երկխոսության կոչ է անում հոգևոր առաջնորդներին: Այս մասին նա ասաց Հանրապետության հրապարակում ՛՛Քաղաքացիական պայմանագիր՛՛ կուսակցության հանրահավաքի ամանակ:

Փաշինյանը, մասնավորապես, նշեց. ՛՛Վաղը առավոտից քաղաքական խորհրդակցություններ եմ սկսում խորհրդարանական ընտրություններին մասնակցած այն ուժերի հետ, որոնք երկխոսելու, քննարկելու հակվածություն ունեն: Եվ ես նաև հույս ունեմ, որ ժողովուրդն այս մանդատը տալիս է ինձ, որովհետև, մենք պիտի մեր երկրի և ժողովրդի պատմության այս փուլում գնանք մեր մշակութային, գիտական, տնտեսական, բիզնես, հանրային և քաղաքական լավագույն ներուժի համախմբմանը և մեր ժողովրդի, Հայաստանի և Արցախի անվտանգությանը և բարեկեցությանը ծառայեցնելու՛՛::

Նա նաև նման երկխոսության կոչ արեց բոլոր այն կառույցներին, սեգմենտներին, որոնց հետ այս ընթացքում իրենք բանավեճ և հակադրություն է ունեցել. ՛՛Մենք պարզում ենք ձեզ համախմբման մեր ձեռքը՛՛:

Միևնույն ժամանակ, սակայն, Փաշինյանն ընդգծեց, որ դա չի կարող որևէ կերպ կասկածի տակ դնել ժողովրդի առաջ իրենց քաղաքական ուժի ստանձնած պարտավորությունը՝ գործադրելու պողպատե մանդատը և ՀՀ-ում հաստատելու իրավունքի և օրենքի դիկտատուրա:

՛՛Ես հոգևոր և կազմակերպչական երկխոսության կոչ եմ անում նաև մեր երկրի հոգևոր առաջնորդներին, որովհետև հավատում եմ, որ այն, ինչ տեղի ունեցավ երեկ, խորհրդարանական ընտրություններում, ես դեռ Արարատի մարզում քարոզչական հանդիպումներից մեկի ժամանակ էի ասել, ՛՛ձայն բազմաց, ձայն Աստծո՛՛: Եվ Աստծո ձայնին առավել ևս որևէ հոգևոր սպասավոր հակադրվելու իրավունք չունի: Եվ մենք պետք է նորոգենք մեր երկրի հոգևոր կյանքը նույնպես, որովհետև մեր երազանքները կյանքի կոչելու համար, ըստ տեսության, մեզ ընդամենը մի բան չի հերիքել՝ մանանեխի հատիկի չափ հավատ:Եվ մենք մեր սրտում, գիտակցության մեջ պետք է ստեղծենք այդ հավատը: Եվ, երբ ունենանք այդ հավատը, մենք սարեր շուռ կտանք միասին՛՛,-հավելեց Նիկոլ Փաշինյանը:

Նա վստահեցրեց, որ այդ ժամանակ կունենանք ազատ և երջանիկ երկիր, ազատ և երջանիկ հայրենիք:

Արցախի Հանրապետության նախագահ Արայիկ Հարությունյանը հունիսի 22-ին ստորագրել է ԱՀ կառավարության որոշում, համաձայն որի՝ 2020 թվականի սեպտեմբերի 27-ին Արցախի Հանրապետության դեմ սանձազերծված պատերազմական գործողությունների հետևանքով վիրավորում (վնասվածք) ստացած՝ ամբուլատոր պայմաններում բժշկական օգնություն և սպասարկում ստացած Արցախի Հանրապետությունում հաշվառված այն անձանց, ովքեր ՀՀ կառավարության կողմից սահմանված 500 000 ՀՀ դրամի չափով աջակցության ծրագրից չեն օգտվել, ԱՀ պետական բյուջեի միջոցների հաշվին կտրամադրվի միանվագ դրամական օգնություն:

Ինչպես հայտնում են Արցախի Հանրապետության նախագահի աշխատակազմի տեղեկատվության գլխավոր վարչությունից, ամբուլատոր պայմաններում բժշկական օգնություն և սպասարկում ստացած անձանց են հավասարեցվում նաև պատերազմական գործողությունների ընթացքում վիրավորում (վնասվածք) ստացած այն անձինք, ովքեր տարաբնույթ պատճառներով չեն դիմել բժշկական օգնություն ստանալու համար, կամ դիմել և տարաբնույթ պատճառներով չեն ստացել այն:

Դրամական օգնություն ստանալու համար շահառուները հուլիսի 5-ից կարող են դիմել ԱՀ առողջապահության նախարարի հրամանով ստեղծված մասնագիտացված հանձնաժողովին կամ զանգահարել գերատեսչության թեժ գիծ՝ 30-03 կարճ համարին: Այնուհետև շահառուի կողմից ներկայացված փաստաթղթերը և ապացույցները տասնհինգ օրվա ընթացքում ուսումնասիրվելու և քննարկվելու են, ինչի արդյունքում կազմվելու է եզրակացություն՝ դրամական օգնություն նշանակելու կամ դրամական օգնության նշանակումը մերժելու մասին:

Քվեարկության օրը ՛՛Քաղաքացիական պայմանագիր՛՛ կուսակցության գրասենյակ իմ այցը սխալ է մեկնաբանվել: Այս մասին այսօր Ստեփանակերտի Վերածննդի հրապարակում կայացած հանրահավաքի ժամանակ ասել է Արցախի նախագահ Արայիկ Հարությունյանը:

Նա, մասնավորապես, նշել է. ՛՛Ես հանդիպումներ եմ ունեցել նաեւ ՛՛Բարգավաճ Հայաստան՛՛ կուսակցության նախագահ Գագիկ Ծառուկյանի, ՀՀ նախկին վարչապետ Հրանտ Բագրատյանի, Արամ Սարգսյանի, ՛՛Լուսավոր Հայաստան՛՛ կուսակցության նախագահ Էդմոն Մարուքյանի, Սամվել Բաբայանի եւ այլոց հետ: Ես պահպանել եմ չեզոքությունը եւ քվեարկությունից հետո եմ հանդիպումներ անցկացրել՛՛:

Հարությունյանը հավելել է, որ  Արցախը պետք է մնա հայերին միավորող գործոն՝ անկախ այն բանից, թե ով է Հայաստանում իշխանության ղեկին: Արցախի նախագահը Հայաստանի բոլոր քաղաքական ուժերին հրավիրել է ԼՂ՝ ապագան քննարկելու: Նա նշել է. ՛՛Անհիմն է ինձ մեղադրել դավաճանության եւ անգործության մեջ՛՛:

Նշենք, որ երեկվանից Ստեփանակերտում բողոքի ցույցեր են անցկացվում, պատճառն այն է, որ Արայիկ Հարությունյանը շնորհավորել է Նիկոլ Փաշնյանին՝ ընտրություններում հաղթանակ տանելու կապակցությամբ:

Պետությունը պատրաստ է արժանապատվորեն ու պատշաճորեն հաղթահարել նախագահական ու խորհրդարանական ընտրությունների ծանր դժվարությունները։ Այս մասին այսօր Ստեփանակերտի Վերածննդի հրապարակում ասաց Արցախի Հանրապետության նախագահ Արայիկ Հարությունյանը։

՛՛Եթե դրանց եզրահանգումը դրական լինի, ապա օր առաջ կատարելու եմ իմ հայտնի խոստումը։ Հիմարություն կլինի կարծել, թե հաճույք եմ ստանում ներկա իրավիճակից, որևէ անձնական շահագրգռվածություն ունեմ շարունակել պաշտոնավարումս, թե կառչած եմ աթոռից․ ամենևին ո՛չ՛՛,-հավելեց նա:

Հարությունյանը նշեց, որ իրեն պարզապես պատասխանատու է զգում  ժողովրդի ու հաջորդ սերունդների առջև: ՛՛Այնքան պատասխանատու, որ հանկարծ իմ հուզական և անհեռատես փախուստով չկործանեմ մեր պետականությունը, որ հանկարծ իմ ժողովուրդը, ներառյալ՝ հրաժարականս պահանջող անձինք, չմնան պետականության փլատակների տակ: Ես փախչող տեսակ չեմ և մեր նահատակների ու պայծառ գալիք սերունդների առջև պարտական եմ զգում ալեկոծված ծովում նավը չթողնել առանց նավապետի՛՛,-ասաց ԱՀ նախագահը:

Նա խոսեց նաև փախուստի, դավաճանության, Արցախում մնալ-չմնալու մասին: Այս առնչությամբ Հարությունյանը նշեց. ՛՛44 օրից 38-ն այց եմ կատարել առաջնագծի ամենածանր կետեր․ ովքեր եղել են առաջնագծում, շատերը գիտեն դրա մասին։ Քարվաճառից, Եղնիկներից մինչև Ջաբրայիլ, առաջնագծի բոլոր ուղղություններում, ամեն տեղում եղել եմ: Ես խոնարհվում եմ մեր տեղահանված, զոհված և բոլոր հայրենակիցների առաջ, որովհետև շատ խնդիրներ կան, դրանք կլուծենք ընթացքում:

Երեկ տեղի է ունեցել հավաք իմ հրաժարականի պահանջով, այսօր էլ այդ հավաքը կազմակերպվում է: Անկախ հավաքի մասնակիցների քանակից, կազմից, քաղաքական հայացքներից ու դրդապատճառներից՝ նրանք մեր քույրերն ու եղբայրներն են, բոլորը ԱՀ քաղաքացիներն են, և ես հավասարապես պատասխանատու եմ բոլորի համար ու բոլորի առջև:

Հարությունյանն առողջություն մաղթեց իր հրաժարականի պահանջով հացադուլ անող արցախցիներին։

Նշենք, որ երեկվանից Ստեփանակերտում Հարությունյանի հրաժարականի պահանջով բողոքի ցույցեր են անցկացվում, պատճառն այն է, որ Արայիկ Հարությունյանը շնորհավորել է Նիկոլ Փաշնյանին՝ ընտրություններում հաղթանակ տանելու կապակցությամբ Հավելենք նաև, որ երկու քաղաքացի հացադուլ է հայտարարել։

Պատերազմի ընթացքում զոհված և անհետ կորած համարվող զինծառայողների աճյունների որոնումները փրկարարական մեկ ջոկատով այսօր շարունակվում է Վարանդայի (Ֆիզուլի) շրջանում:

Արդյունքների մասին ԱԻ ծառայությունը երեկոյան կտրամադրի հավելյալ տեղեկատվություն։

Հիշեցնենք, որ զինադադարից հետո մինչ այսօր հայտնաբերվել է 1579 աճյուն, որից 22-ը՝ ընթացիկ ամսվա ընթացքում:

Մարտունու շրջանի Ադրբեջանի կողմից բռնազավթված տարածքներում այսօր իրականացված որոնողական աշխատանքների արդյունքում հայտնաբերվել է ևս 3 աճյուն։

Նրանց ինքնությունը պարզելու նպատակով ՀՀ-ում կնշանակվի դատաբժշկական փորձաքննություն։
 

Զինադադարից հետո Արցախի վերահսկողությունից դուրս անցած տարածքներից հայտնաբերվել է 1579 աճյուն։

Լեռնային Ղարաբաղում` Ակնայում (Աղդամում), ականի պայթյունից մահացած ադրբեջանցի տղամարդու դի է հայտնաբերվել։ Մահացածը Ակնայի շրջանի բնակիչ Ջասարաթ Խաթամխանովն է ով հունիսի 7-ից համարվում էր անհետ կորած։ Նրա մարմինը հայտնաբերվել է հունիսի 16-ին,  մահվան դեպքի առթիվ հարուցվել է քրեական գործ:

Հետաքննության արդյունքում պարզվել է, որ Ջասարաթ Խաթամխանովը մահացել է գյուղատնտեսական աշխատանքների ժամանակ հակահետևակային ականի պայթյունի հետևանքով:

Հունիսի 16-ի ցերեկը Լաչինի շրջանում ադրբեջանական օկուպացիոն զորքերի երկու զինծառայող է մահացել, հայտնում են ադրբեջանական լրատվամիջոցները:

Նշվում է, որ ՄԱԶ բեռնատարը կորցրել է կառավարումը, գլորվել է ճամփեզրին գտնվող կիրճը, ինչի հետեւանքով մահացել են մեքենայում գտնվող զինծառայողները:

Նրանց անունները հայտնի են՝ ավագ լեյտենանտ Էլմեդդին Նասիբով եւ ենթասպա Ջամալ Ջամալլի:

ԱՀ նախագահ Արայիկ Հարությունյանը շնորհավորական ուղերձ է հղել Ռուսաստանի օրվա կապակցությամբ

«Այսօր եղբայրական ռուս ժողովուրդը տոնում է իր ազգային տոնը՝ Ռուսաստանի օրը: Մենք ի սրտե շնորհավորում ենք մեր բարեկամ երկրին՝ հիշարժան տոնի կապակցությամբ, տոն, որն ազդարարեց բազմադարյա պատմության նոր փուլի, շրջադարձային իրադարձությունների և արմատական բարեփոխումների սկիզբը՝ ուղղված բնակչության կենսամակարդակի բարձրացմանը, պետության հետագա զարգացմանն ու զորացմանը:

Հարյուրամյակներ շարունակ մեր երկու ժողովուրդներն ունեցել են պատմական, մշակութային, հոգևոր, արժեհամակարգային ընդհանուր հենքի վրա խարսխված ամուր ու ջերմ կապեր: Դարեր շարունակ, գտնվելով աշխարհաքաղաքական վայրիվերումների հորձանուտում, Արցախը միշտ կարևորել է Ռուսաստանի անգնահատելի տեղն ու դերը մեր տարածաշրջանում, այստեղ խաղաղության ու կայունության պահպանման գործում:

Այսօր էլ մեզ հետ միասին Արցախի անվտանգությունն ապահովում է Ռուսաստանի Դաշնության խաղաղապահ զորախումբը: Մենք խորապես շնորհակալ ենք նրանց ու երախտապարտ: Շնորհակալ ենք ՌԴ նախագահ Վլադիմիր Պուտինին՝ ադրբեջանա-ղարաբաղյան հակամարտության կարգավորման գործում ներդրած անձնական ջանքերի ու անուրանալի ավանդի համար:

Արցախի Հանրապետության ժողովրդի, իշխանությունների և անձամբ իմ անունից մեկ անգամ ևս շնորհավորում եմ մեր եղբայրներին նվիրական տոնի կապակցությամբ և մաղթում խաղաղություն ու բարգավաճում ռուս ժողովրդին և Ռուսաստանի Դաշնությանը, որը նաև միլիոնավոր հայերի հայրենքին է դարձել»,- գրել է Հարությունյանը:

Ջրականի (Ջաբրայիլ) շրջանում իրականացված որոնողական աշխատանքների արդյունքում այսօր հայտնաբերվել և տարհանվել է ևս մեկ հայ զինծառայողի աճյուն:

Այս մասին տեղեկացրին ԱՀ ՆԳՆ արտակարգ իրավիճակների պետական ծառայությունից:

Նրա ինքնությունը պարզելու նպատակով ՀՀ-ում կնշանակվի դատաբժշկական փորձաքննություն:

2020 թվականի նոյեմբերի 13-ից առ այսօր Արցախի վերահսկողությունից դուրս անցած տարածքներից հայտնաբերված և Ադրբեջանի կողմից հայկական կողմիցն փոխանցված աճյունների ընդհանուր թիվը՝ 1568 է, որից 27-ը նախնական տվյալներով քաղաքացիական անձինք են:

Վարանդայի (Ֆիզուլի) և Ջրականի (Ջաբրայիլ) շրջաններում իրականացված որոնողական աշխատանքների արդյունքում այսօր Ջրականի Հորադիզ ուղղությունից հայտնաբերվել և տարհանվել է ևս 4 աճյուն՝ հայտնում են ԱՀ ԱԻՊԾ-ից:

Նրանց ինքնությունը պարզ կդառնա դատաբժշկական փորձաքննությունից հետո։

Զինադադարից հետո մինչ օրս Արցախի վերահսկողությունից դուրս գտնվող տարածքներից տարհանվել է ընդհանուր 1567 աճյուն։

ՀՀ ազգային ժողովը երկրորդ ընթերցմամբ և ամբողջությամբ ընդունեց արտադրական կանեփի արտադրությունը, վաճառքը օրենքով թույլատրող օրինագիծը:  «Արմենպրես»-ի հաղորդմամբ՝ «Թմրամիջոցների եւ հոգեմետ (հոգեներգործուն) նյութերի մասին» օրենքում փոփոխություններ եւ լրացումներ կատարելու մասին և կից ներկայացված օրենքների նախագծերի փաթեթն ԱԺ նիստում քվեարկությամբ ստացավ 68 կողմ ձայն:

Օրենքում փոփոխություններով թույլատրվում են արտադրական կանեփի արտադրությունը, օրինական շրջանառությունը, ներմուծումը, արտահանումը, մեծածախ առևտուրը:

Արտադրական կանեփի արտադրությունը, ներմուծումը, արտահանումն ու մեծածախ առևտուրը հանդիսանալու են լիցենզավորման գործունեության տեսակ: Նախատեսված է, որ արտադրական կանեփի արտադրությունը, ներմուծումը, արտահանումը կամ մեծածախ առևտուրը քվոտավորվելու են:

SIL Group ընկերությունը մոլդովական FlyOne ընկերության հետ համատեղ հայկական շուկայում ներկայացնելու է ժամանակակից չափորոշիչներին համապատասխանող FlyOne ARMENIA հայկական ավիաընկերությունը, որը գործելու է որպես հայկական ազգային ավիափոխադրող:

Համաձայն ընթացակարգի՝ FlyOne Armenia ՍՊԸ-ն արդեն գարնան սկզբին դիմել է օդանավ շահագործողի հավաստագիր ստանալու:

Մայիսի 26-ի առավոտյան FlyOne Armenia ավիաընկերության օդային նավատորմում շահագործվող առաջին Airbus A320 ինքնաթիռը ժամանեց Երևանի «Զվարթնոց» միջազգային օդանավակայան՝ ընթացակարգով պահանջվող տեխնիկական զննումներն անցնելու և գրանցման նպատակով:

FlyOne Armenia ավիաընկերության մուտքը հայկական ավիացիոն դաշտ հնարավորություն կընձեռի ՀՀ քաղաքացիներին ճամփորդելու  անհամեմատ ավելի մատչելի գներով։ Նոր օպերատորը պատրաստ է իր ուղևորներին առաջարկել հատկապես այն ուղղությունները, որոնք առավել մեծ պահանջարկ են վայելում  հայկական շուկայում:

FLYONE մոլդովական ավիաընկերությունը (www.flyone.eu) հիմնադրվել է 2016թ.: Լինելով երիտասարդ ընկերություն՝  այն շատ կարճ ժամանակամիջոցում կարողացավ դառնալ Մոլդովայի Հանրապետության ավիացիոն շուկայի առաջատարներից մեկը: 2018, 2019 և 2020 թվականների ընթացքում ընկերությունը բազմիցս ընդգրկվել է EMEA կատեգորիայում (Եվրոպա, Մերձավոր Արևելք և Աֆրիկա) «Ամենապարտաճանաչ ավիա ընկերությունների» TOP 10-յակում:

Մոլդովացի գործարար, FlyOne ընկերության տնօրեն Միրչա Մալեկան նշեց, որ սեփական օդանավերի շահագործման առաջին փորձը սկսվել է մի օդանավից, որը գրանցված էր հենց Հայաստանում և պատկանում էր հայկական ընկերության:

«Այն ժամանակ, երբ նոր էինք սկսել սեփական ավիաընկերության ստեղծումը, հենց այդ փաստը մեզ մղեց մտածելու հայկական շուկայի մասին, ուսումնասիրելու այն։ Հաշվի առնելով թե´ մեր ունեցած կապերը՝ ընկերներ, գործընկերներ, գործարարներ, և թե՛ այն հանգամանքը, որ հայկական շուկան շատ նման է մոլդովականին, սկսեցինք առևտրային, ֆինանսական, այժմ նաև գործարքային տեսանկյունից դիտարկել հարցը: Ուսումնասիրելով Հայասատանի ավիացիոն շուկան` մի շատ տարօրինակ բան նկատեցինք. Հայաստանը չունի սեփական, ամբողջական ավիացիոն ընկերություն, որը կկարողանա անհամեմատ ցածր արժեքներով  ծառայություններ մատուցել իր քաղաքացիներին:  Հայաստանը չունի ավիաընկերություն, որը կարող է առաջարկել համաշխարհային ցանց՝ անկախ թռիչքների ուղղություններից: Ցանկանում ենք նշել նաև, որ ընկերությունն արդեն իսկ ձեռնարկել է գործուն քայլեր, և առկա են բոլոր դրական նախադրյալները, որպեսզի FlyOne Armenia ավիաընկերությունը կարողանա թռիչքներ կատարել նաև եվրոպական ուղղություններով»,- նշեց գործարարը:

«Մենք հասկացանք, որ Հայաստանում կա այդ բացը։ Չկա հայկական ավիաընկերություն, որը թույլ կտա համադրել և բարձր որակ, և մատչելի գին եզրույթները միաժամանակ: Վստահ ենք, որ, մեր մոլդովացի գործընկերների փորձը համադրելով SIL Group  ընկերության բազմամյա, բանիմաց և փորձառու  թիմի  աշխատանքի հետ, բաց երկնքի պայմաններում միասին հասնելու ենք գերազանց արդյունքների, ապահովելու ենք աշխարհագրական առումով լայն ցանց` ավիացիոն շուկայում առաջարկելով ծառայությունների բարձր որակ և անհամեմատ ավելի մատչելի գին»,- նշեց SIL Group ընկերության ներկայացուցիչ Սոնա Սողոմոնյանը՝ հավելելով, որ իրենց կողմից կգործադրվեն բոլոր ուժերը, որպեսզի ժամանակի ընթացքում ամբողջ անձնակազմը հնարավորինս համալրվի հիմնականում հայ աշխատակիցներով,- «Ինչը նշանակում է, որ կստեղծվեն բոլոր նախադրյալները՝ հետագայում հայկական ավիացիոն աշխատակազմի վերածնունդն ապահովելու համար»։

Տիկին Սողոմոնյանը կարևորեց այն, որ ազգային փոխադրողի ստեղծմամբ հնարավորություն կառաջանա վերականգնել խորհրդային շրջանում առաջատարներից մեկը համարվող հայ օդաչուների ինստիտուտը, հնարավորություն կընձեռվի տվյալ ոլորտում մեծ փորձ ունեցող մեր բազմաթիվ հայրենակիցներին, ովքեր այս պահին ստիպված են աշխատել արտերկրում, վերադառնալ հայրենիք և իրենց մասնագիտությամբ աշխատել արդեն ՀՀ դրոշի ներքո: Նախադրյալներ կստեղծվեն, որպեսզի մեր երկրում վերականգնվի ավիացիոն ոլորտի մասնագետների կրթական համակարգը, որն էլ իր հերթին հնարավորություն կընձեռի ապահովել ավիացիոն ոլորտի հետագա սերնդափոխությունը: «FlyOne Armenia ավիաընկերության ստեղծումով արդեն իսկ առաջին փուլում կստեղծվի միջինից բարձր վարձատրվող շուրջ 135 աշխատատեղ, և այս թիվն, իհարկե, աճման միտում ունի», — հավելեց տիկին Սողոմոնյանը:

Հայկական շուկայում շարունակում են գերիշխել ավիատոմսերի համեմատաբար բարձր գները, և քանի որ նոր ավիաընկերությունն իր մոդելով «Low-Cost» ավիաընկերություն է, ենթադրվում է, որ այն կդառնա ամենահարմարավետ օդային փոխադրամիջոցը ազգաբնակչության և հայկական բիզնես-միջավայրի համար:

«Սա խթան կհանդիսանա տուրիզմի և հայկական ավիացիայի զարգացման համար, իսկ առաջարկվող ավիատոմսերի գները գործողներից ավելի ցածր կլինեն, ինչը նշանակում է, որ օդային տրանսպորտով երթևեկելն այսուհետ հասու կդառնա բազմաթիվ մարդկանց, որոնք նախկինում չեն օգտվել նման ծառայություններից: Մենք նկատել ենք, որ որոշ ուղղություններով տեղափոխման ծառայությունների թանկ լինելու պատճառով մարդիկ դրանցից օգտվում են շատ հազվադեպ, լավագույնս՝ տարին մեկ անգամ: Այդ ամենը հաշվի առնելով՝ մենք ոլորտում կստեղծենք ճկունություն, հանդես կգանք նոր առաջարկներով, ինչը կխթանի տուրիզմը, ծառայությունների հասանելիություն կապահովի միջին խավի համար, քանի որ բազմաթիվ ուղղություններով ավիատոմսերի արժեքներն շատ ավելի ցածր  կլինեն ավտոճանապարհային և գնացքով երթևեկելու արժեքներից»,- նշեց  ընկերության տնօրենը՝ հույս հայտնելով, որ FlyOne Armenia-ն հատկապես հայերի համար միջազգային տեղափոխությունների ամենատարածված փոխադրամիջոցը կդառնա:

«Չնայած նրան, որ շատ բաներ կախված են ընթացակարգային գործընթացներից, մենք նախատեսում ենք, որ արդեն իսկ այս ամռանը FlyOne Armenia ավիաընկերությունը կսկսի լիարժեք ծառայություններ մատուցել մեր ազգաբնակչությանն ու բոլոր նրանց, ովքեր կցանկանան այցելել Հայաստան: Մեզ համար սկզբունքորեն կարևոր է, որ մեր փորձը փոխանցենք հայ գործընկերներին, այդ իսկ պատճառով ծրագրի վրա կաշխատենք  SIL Group  ընկերության հետ համատեղ, և վստահ ենք, որ միասնական ուժերի ներդրումով կիրագործենք այն խնդիրները, որոնք մեր առջև դրել ենք»,- եզրափակեց Միրչա Մալեկան։

Ավիաընկերության ավիատոմսերը հասանելի կլինեն www.flyone.am,  www.flyone.eu կայքերում, ինչպես նաև համագործակցող գործակալություններում: Բոլոր ճանապարհորդության սիրահարներին խորհուրդ ենք տալիս արդեն իսկ հիմա իրենց հեռախոսներում ներբեռնել FlyOne հավելվածը, որի հայալեզու տարբերակը շատ շուտով հասանելի կլինի:

FlyOne ARMENIA ընկերության գերնպատակն է ապահովել ծառայությունների անհամեմատ բարձր որակ՝ անհամեմատ մատչելի գներով:

Տարածքային կառավարման և ենթակառուցվածքների նախարարի պաշտոնակատար Սուրեն Պապիկյանի գլխավորությամբ աշխատանքային խորհրդակցություն է անցկացվել Շիրակի մարզպետարանում՝ 2018-2020թթ․ մարզում իրականացված ծրագրերը և առաջիկա անելիքները քննարկելու նպատակով։ Այս մասին հայտնեցին Տարածքային կառավարման և ենթակառուցվածքների նախարարության հասարակայնության հետ կապերի բաժնից: 

Խորհդակցությանը մասնակցել են Շիրակի մարզպետ Հովհաննես Հարությունյանը, ՏԿԵ նախարարության ենթակա կառույցների ղեկավարներ, մարզպետարանի ոլորտային պատասխանատուներ, համայնքների ղեկավարներ, պաշտոնատար այլ անձինք։

ՏԿԵ նախարարի պաշտոնակատար Սուրեն Պապիկյանն իր խոսքում անդրադարձել է տարածքային զարգացման քաղաքականությանը՝ ընդգծելով որ դրա առանցքում եղել է ապակենտրոն կառավարումը, որի հաջողության մասին կարող են վկայել մարզի տարբեր համայնքներում կատարված աշխատանքների ցուցանիշները։

Նախարարի պաշտոնակատարը ներկաների ուշադրությունն է հրավիրել վերջին 3 տարվա ընթացքում մի շարք ոլորտային ձեռքբերումների ուղղությամբ։

Սուրեն Պապիկյանի խոսքով ներկայումս մեկնարկել և ընթանում է Գյումրի քաղաքի և Շիրակի մարզի 12 բնակավայրերի ջրամատակարարման ամբողջական ցանցի վերականգնման՝ շուրջ 7,3 մլրդ․ արժողությամբ ծրագիրը։

Ենթակառուցվածքային ծրագրերից նախարարի պաշտոնակատար առանձնացրել է «Հարավկովկասյան երկաթուղի» ՓԲԸ հետ համագործակցության արդյունքում գրանցված վերջին հաջողությունները։ Ինչպես նշել է նախարարի պաշտոնակատարը, հունիսի վերջին Հայաստան կներմուծվեն 27 ուղևորատար վագոններ, տարվա ընթացքում նաև 3 նոր էլեկտրագնացքներ։ Վերջինները կհամալրեն գործող, Երևան–Գյումրի ուղղությունը սպասարկող շարժակազմը։ Ընդ որում նախատեսվում է նորացված շարժակազմերով երկաթուղային տրասնպորտի գործարկում ՀՀ գործող երկաթգծի ամբողջ հասանելիությամբ՝ այն է մինչև Երասխ, և մինչև Գյումրի։ Սուրեն Պապիկյանը շեշտել է, որ այս ուղղությամբ ներդրումները նախատեսված էին հաջորդող 15 տարիների համար, բայց դրանց դրա զգալի մասը հաջողվում է իրականացնել 2021-2024 թթ․ ընթացքում, ինչն էական ազդեցություն է ունենալու ոլորտում թե՛ սպասարկման և թե՛ գնագոյացման վրա։

Իր խոսքում նախարարի պաշտոնակատարն առանձնահատուկ կարևորել է մանկապարտեզների, նախակրթարանների, դպրոցաշինության, տնտեսական և սոցիալական ենթակառուցվածքների տարբեր ուղղություններով կատարվող աշխատանքները։

Սուրեն Պապիկյանը մատնանշել է, որ Գյումրիում լուծվել է նախակրթարանների կենսական նշանակության խնդիրը, ինչի մասին խոսվել էր երեք տարի առաջ Գյումրիում Տարածքային զարգացման հիմնադրամի միջոցով կառուցված մանկապարտեզի բացմանը։

«Ես այն ժամանակ խոսք էի տվել, որ Գյումրի քաղաքում այլևս տնակային պայմաններում մանկապարտեզներ չեն լինի, և ի ուրախություն՝ նշեմ, որ վերջին մանկապարտեզի մրցույթային գործընթացն արդեն իսկ ավարտվել է, ստորագրված են համապատասխան պայմանագրերը և շինարարական աշխատանքների մեկնարկը օրերս կտրվի»,–ասել է Պապիկյանը։

Ճանապարհաշինության բնագավառում՝ 2018-20 թթ․ Շիրակի մարզում ընդհանուր առմամբ վերանորոգվել է 107, 8 կմ ճանապարհահատված, որը ներառում է հիմնանորոգման, միջին նորոգման, Կենսական նշանակության ճանապարհային ցանցի բարեկարգման և Տարածքային զարգացման հիմնադրամի կողմից իրականացվող ճանապարհաշինական ծրագրերը։

Նախարարի պաշտոնակատարը Շիրակի մարզի և, ընդհանրապես, հանրապեության համար կենսական որակեց Հյուսիս-հարավ ավտոճանապարհի շինարարությունը։ «Չնայած Հյուսիս-Հարավ ծրագրում առկա տարբեր խոչընդոտներին և արբիտրաժային գործընթացներին, ապահովել ենք ծրագրի շարունակականությունը․ չինացի գործընկերների հետ հաջողված բանակցությունների շնորհիվ շինարարական աշխատանքների մեկնարկն այս տարի արդեն իսկ տրվել է։ Այս պահի դրությամբ ակնկալում ենք ունենալ 46 կմ ճանապարհ, որը Թալինից մինչև Գյումրի մեզ կապահովի միակողմանի ասֆալտապատ ճանապարհով»,–ընդգծել է Սուրեն Պապիկյանը։

Խորհրդակցության ընթացքում մարզպետ Հովհաննես Հարությունյանն ու մարզպետարանի պատասխատուները ներկայացրել էն Շիրակի մարզում տարբեր ոլորտներում կատարված աշխատանքները։

«Երբ մենք վերլուծում ենք անցած երեք տարիներին իրականացված աշխատանքներն ու դրանց ծավալներն ենք հաշվարկում՝ հստակ երևում է, որ տարեցտարի ներդրումներն ու կապիտալ ծախսերը Շիրակի մարզում ավելացել են։ Մարզում 2021 թվականին քաղաքաշինության ոլորտում իրականացվելու են շուրջ 40 մլրդ 580 մլն դրամի կապիտալ ներդրումներ։ Աշխատանքներ կիրականացվեն թե բնակարանաշինության, թե կրթական ու առողջապահական օբյեկտների շինարարության, թե ճանապարհաշինության մասով։ Սա խոսում է այն մասին, որ ներդրումներն աճել են, կապիտալ ծախսերն ավելացել»,– նշել է Շիրակի մարզպետը

2018 թվականից մինչ օրս քաղաքաշինության ոլորտում իրականացված աշխատանքների վերաբերյալ զեկույցում նշվել է, որ ընթացքի մեջ է գյուղական բնակավայրերի անօթևանության խնդրի լուծման ծրագիրը, 2020 թվականի մեկնարկած թվով 26 ընտանիքների բնակարանների կառուցման աշխատանքներն ավարտին կհասցվի նոյեմբերին: Իրականացվել է շուրջ 310,1 մլն դրամ գումարի շինարարական աշխատանք: Մնացորդը կազմում է 153,3 մլն դրամ:

2021 թվականին Շիրակի մարզում նախատեսվում է իրականացնել փոքրաքանակ երեխաներով համալրված հանրակրթական դպրոցների մոդուլային շենքերի կառուցման աշխատանքներ Բերդաշեն, Կապս, Արեգնադեմ համայնքներում:Նախատեսվում է ևս մի քանի դպրոցի և մոդուլային մանկապարտեզների կառուցում։

Սուբվենցիոն ծրագրերի վերջին երեք տարիների ընթացքում տասնապատկվել են։ 2021-ին կիրականացվի 70 սուբվենցիոն ծրագիր։

Զեկույցների ավարտից հետո՝ ամփոփելով հանդիպման ընթացքում ներկայացված ցուցանիշները, ՀՀ տարածքային կառավարման և ենթակառուցվածքների նախարարի պաշտոնակատար Սուրեն Պապիկյանը նշել է, որ հանդիպման գլխավոր նպատակն արված աշխատանքներն ամփոփելով առաջիկա անելիքները նախանշելն է․ «Ես վստահ եմ մեր հանդիպման ժամանակ այնպես չէ, որ ներկայացվեցին բոլոր իրականացված ծրագրերը, պետք է կարևորենք ցանկացած ծրագրի իրականացում, բոլոր ուղղություններով, ինձ համար կարևոր է տարածքների համաչափ զարգացումը»։

Նախարարի պաշտոնակատարը հանդիպման ավարտին պատասխանել է համայնքապետերին հուզող հարցերին։

Հայաստանը վերահաստատում է իր հավատարմությունը առողջապահության ոլորտում ԵԱՏՄ անդամ պետությունների միջև համագործակցության հետագա  խորացմանը` ուղղված բնակչության առողջության բարելավմանը, հիվանդությունների կանխարգելման և վերահսկման գործում փոխգործակցության և կոլեկտիվ ռազմավարական գործընկերության ամրապնդմանը, ինչպես նաև Միության անդամ պետությունների՝ միջազգային ասպարեզում ընդհանուր շահերի աջակցմանը: Այս մասին հայտարարեց ՀՀ վարչապետի պաշտոնակատար Նիկոլ Փաշինյանը՝ Եվրասիական տնտեսական բարձրագույն խորհրդի նիստում:

«Այս համատեքստում կցանկանայի նշել Միության անդամ պետությունների բժշկական օգտագործման համար նախատեսված ռազմավարական նշանակություն ունեցող դեղամիջոցներով և դեղագործական նյութերով հագեցվածության մակարդակի բարձրացման գործողությունների ծրագրի մշակման կարևորությունը: Դրանց արտադրությունը պետք է ապահովվի Միությունում: Համոզված եմ, որ մեր երկրների հետագա համատեղ և համակարգված գործողություններն առողջապահության և դեղագործական արտադրության բնագավառում համագործակցության զարգացման ոլորտում հետագայում դրական արդյունքների կհանգեցնեն»,- «Արմենպրես»-ի հաղորդմամբ՝ նշել է Փաշինյանը:

Ըստ նրա՝ անհրաժեշտ է մշակել ինտեգրացիոն նախագծերի ֆինանսավորման մեխանիզմներ՝ այդ խնդիրների լուծմանն ավելի ակտիվ ներգրավելով պետական ռեսուրսները և ԵԱՏՄ վերազգային զարգացման ինստիտուտները, այդ թվում՝ Մասնագիտացված ներդրումային ֆոնդերի ստեղծման միջոցով:

«Բացի այդ, կարծում եմ, բոլորը կհամաձայնեն, որ մարդկային կապիտալի ամրապնդումը և տեխնոլոգիական զարգացումը մեր տնտեսությունների կայուն տնտեսական աճի հիմնական գործոններից են: Այս առումով անվիճելի է Միությունում մարդկային կապիտալի կուտակման կարևորությունը ավելի հուսալի նորարարական էկոհամակարգ ստեղծելու համար, այդ թվում` կրթության մեջ ինտեգրման գործընթացների խորացման և գիտանորարարական գործունեության միջոցով»,-ասել է ՀՀ վարչապետի պաշտոնակատարը:

Հաշվի առնելով, որ ներկայումս Եվրասիական տնտեսական հանձնաժողովը ունի սահմանափակ կարգավորիչ գործիքներ կրթության ոլորտում, նա առաջարկել է ստեղծել ԵԱՏՄ արդյունաբերության և ագրոարդյունաբերական համալիրի ոլորտում ակադեմիական շարժունակության հարթակ:

«Կցանկանայի անդրադառնալ նաև Հայաստանի համար առաջնահերթ կարևորություն ունեցող՝ Միության թվային օրակարգի թեմային: Այս կապակցությամբ կցանկանայի նշել, որ այս տարվա հուլիսի 1-ից արդյունաբերական շահագործման մեջ է դրվում Միության «Միասնական որոնման համակարգի «Աշխատանք առանց սահմանների» առաջին համատեղ թվային նախագիծը: Այս նախագծի շնորհիվ Միության քաղաքացիների համար կհայտնվեն աշխատանքի նոր հնարավորություններ ինչպես իրենց տարածքում, այնպես էլ «հնգյակի» երկրների տարածքում: Գործատուների համար կավելանա անձնակազմի որոնման հարթակների ցանկը: Իսկ անդամ երկրների համար կներդրվեն Միության աշխատաշուկայի զարգացման ժամանակակից և արդյունավետ թվային գործիքներ»,-նշել է Փաշինյանը:

Նրա խոսքով՝ Հայաստանը պատրաստակամ է շարունակելու աշխատանքը՝ ԵԱՏՄ տարածքում  իրավական դաշտի ստեղծման ուղղությամբ, որն ապահովում է Միության և նրա անդամների շահերը համաշխարհային առևտրում:

Հրաժարական տալու պատրաստակամության մասին հայտարարությունը կատակ էր: Այս մասին ՛՛Ազատության՛՛ եթերում այսօր ասաց ՀՀ էկոնոմիկայի նախարարի պաշտոնակատար Վահան Քերոբյանը:

Նա հիշեցրեց, որ դա լրագրողի այն հարցի պատասխանն էր, թե ինչ կլինի, եթե Հայաստանի տնտեսությունում տարեվերջին երկնիշ աճ չգրանցվի:

Քերոբյանը նշեց. ՛՛Իմ պատասխանը, թե հրաժարական կտամ, կատակ էր՛՛:

Մեր ջանքերն այս պահին ուղղված են գյուղատնտեսության արտադրողականությունը բարձրացնելուն: Այդ մասին Կառավարության նիստից հետո լրագրողների հետ ճեպազրույցում ասաց էկոնոմիկայի նախարարի պաշտոնակատար Վահան Քերոբյանը: Նա նշեց, որ շատ մեծ ջանքեր են ներդրվում նաև գյուղերում ոչ գյուղատնտեսական աշխատատեղեր ստեղծելու ուղղությամբ՝ հավելելով, որ առկա են մասշտաբային գյուղատնտեսական աջակցման ծրագրեր:

«Երեկ այցելել եմ Արմավիրի մարզի Դաշտ գյուղ, որտեղ մի ներդրող մեծ ջրային տուրիստական պարկ է ստեղծում՝ 160 աշխատատեղով՝ ոչ գյուղատնտեսության մեջ: Մենք փորձում ենք այնպես անել, որ մարդիկ պարտադրված չլինեն փոքր հողակտորների վրա իրենց գոյությունը պահպանել, այլ ունենան այլընտրանքներ»,- ասաց Քերոբյանը:

Անդրադառնալով պատվաստման գործընթացին՝ նախարարի պաշտոնակատարը նշեց, որ պատվաստումը կարևոր է բաց սահմաններ և ներդրումներ ունենալու համար:

Քերոբյանը վստահեցրեց, որ Թուրքիայի հետ սահման բացելու հարց օրակարգում չկա, ավելին՝ պատրաստվում են երկարաձգել թուրքական ապրանքների ներմուծման արգելքը: 

«Երբ քաղաքական մակարդակով կկայացվի հարաբերությունները վերականգնելու որոշում, որն իմ լիազորություններից դուրս է, այդ ժամանակ մենք կփորձենք այնպես անել, որ մեր տնտեսությունը, ինչքան հնարավոր է, լավ պաշտպանված լինի թուրքական ապրանքների հեղեղումից»,- ասաց նախարարի պաշտոնակատարը:

Վարչապետ Նիկոլ Փաշինյանն այսօր տեսազանգ է ունեցել Վերակառուցման և զարգացման եվրոպական բանկի նախագահ Օդիլ Ռենո-Բասոյի հետ:

Շնորհավորելով Օդիլ Ռենո-Բասոյին ՎԶԵԲ նախագահի պաշտոնն ստանձնելու կապակցությամբ՝ վարչապետն ասել է. «Հայաստանը բարձր է գնահատում ՎԶԵԲ-ի հետ գործընկերությունը, որի արդյունավետության մասին են վկայում ֆինանսական շուկայի, ՓՄՁ, էներգետիկայի, գյուղատնտեսության և այլ ոլորտներում հաջող իրականացվող ծրագրերը: Ցանկանում եմ ընդգծել ՀՀ կառավարության և ՎԶԵԲ-ի միջև շարունակական երկխոսության կարևորությունը՝ մեր երկրում կառուցվածքային բարեփոխումներին աջակցելու, ներդրումային միջավայրը բարելավելու և մրցունակ դարձնելու համատեքստում»:

Վարչապետը գոհունակությամբ նշել է, որ 2020 թ. Հայաստանում ՎԶԵԲ ներդրումային պորտֆելի ծավալը կազմել է 160 մլն եվրո, որը տարեկան ամենամեծ փաթեթն է գործընկերության ողջ ժամանակահատվածի ընթացքում: Նիկոլ Փաշինյանն անդրադարձել է կորոնավիրուսի համավարակի և պատերազմի հետևանքով առաջացած մարտահրավերներին, սոցիալ-տնտեսական իրավիճակին և ներկայացրել դրանց հաղթահարման ուղղությամբ կառավարության գործողությունները: Վարչապետն ընդգծել է, որ Հայաստանը որևէ ջանք չի խնայում՝ Ադրբեջանի սանձազերծած ռազմական ագրեսիայի պատճառով Արցախում հումանիտար խնդիրները լուծելու ուղղությամբ, բայց և պակաս կարևոր չէ միջազգային հանրության, ֆինանսական կառույցների արձագանքը հումանիտար ճգնաժամին: Այս համատեքստում կառավարության ղեկավարը ՎԶԵԲ նախագահի ուշադրությունը հրավիրել է ավելի ինտենսիվ համագործակցության վրա:

ՎԶԵԲ նախագահը նշել է, որ բանկը կարևորում է Հայաստանի հետ հուսալի գործընկերությունը և հետաքրքրված է ենթակառուցվածքների, էներգետիկայի, մասնավոր հատվածի և ֆինանսական հաստատությունների զարգացմանն ուղղված համագործակցության խորացմամբ, նոր ծրագրերի ֆինանսավորմամբ: Օդիլ Ռենո-Բասոն արդյունավետ է համարել ՀՀ ֆինանսների նախարարության հետ աշխատանքը, որն ամուր հիմք է երկրի հետ գործընկերության ընդլայնման և համատեղ նախաձեռնությունները հաջող կյանքի կոչելու համար:

Զրուցակիցները մտքեր են փոխանակել համագործակցության ընթացիկ օրակարգի, ինչպես նաև հետագա ծրագրերի շուրջ: Երկուստեք կարևորվել է մասնավոր հատվածի մրցունակության բարձրացման ուղղությամբ համագործակցությունը: ՎԶԵԲ նախագահը կարևորել է կանանց տնտեսական ակտիվության խթանմանը միտված նախաձեռնությունները: Վարչապետն ընդգծել է, որ կառավարությունը խրախուսում է կանանց ակտիվ ներգրավվածությունը տարբեր, այդ թվում՝ ՓՄՁ ոլորտում, ինչը աղքատության հաղթահարման և տնտեսական բարեկեցության կարևոր գործիքներից է:

Արծարծվել են նաև ենթակառուցվածքային ծրագրերին, այդ թվում՝ Հյուսիս-հարավ ճանապարհային միջանցքի կառուցմանը վերաբերող հարցեր: Նիկոլ Փաշինյանն անդրադարձել է տարածաշրջանային հաղորդակցության ուղիների ապաշրջափակմանը՝ նշելով, որ կոմունիկացիոն ենթակառուցվածքների վերաբացումը հեռանկարային կարող է լինել համատեղ ծրագրերի համար:

Վարչապետը վերահաստատել է ՀՀ աջակցությունը ՎԶԵԲ-ի հնգամյա ռազմավարությանը, որի առաջնահերթությունները համահունչ են ՀՀ կառավարության գերակայություններին, և հավելել, որ մեր երկիրն ուրախ կլինի հյուրընկալել ՎԶԵԲ 2024 թ. տարեկան հավաքը, որի վերաբերյալ որոշումն արդեն կայացված է:

Գյուղական համայնքներում, որոնք ունեն ավելի շատ բնակիչների սպասարկելու հնարավորություն ունեցող ենթակառուցվածքներ, նոր բնակելի տներ կբացվեն։ Այս մասին լրագրողների հետ զրույցում հայտնեց Աշխատանքի եւ սոցիալական հարցերի նորանշանակ նախարար Մեսրոպ Առաքելյանը։

«Կառուցվել է մի քանի հարյուր կացարան, ընդհանուր նախագիծը երեք տարվա համար է։ Կան գյուղեր, որոնց ենթակառուցվածքները թույլ են տալիս բնակելի տները մեծացնել, այսինքն՝ այդ գյուղի բնակչությունը վերաբնակվելու է առկա մի գյուղում նաև հաշվի են առնվել տվյալ գյուղի բնակչության կարծիքը։ Նաև Արցախի քաղաքացիների բոլոր սոցիալական պարտավորությունները պատշաճ կատարվում են»,- նշեց Առաքելյանը։

Հարցին՝ կա սկզբունք, որ քաղաքում տուն կորցրած մարդը քաղաքում պետք է տուն ստանա, նախարարը պատասխանեց, որ նախագծում հենց այդ սկզբունքն է որդեգրված։

Նախարարի խոսքով՝ այս պահին պատերազմի հետևանքով հաշմանդամություն ունեցող անձանց բժշկասոցիալական փորձաքննության գործընթացը գրեթե ավարտվել է։

Մեսրոպ Առաքելյանի հայտնած տվյալներով՝ արցախցիների մոտ 3 միլիարդ վարկային պարտավորություններ ներվել են վարկային և բանկային կազմակերպությունների կողմից։

«Իհարկե, չեմ բացառում, որ հնարավոր է որոշակի թերացումներ լինեն, այդ թերացումների հիմքում հնարավոր է ընկած լինի տեղեկատվության բացակայությունը՝ թեև ՊՆ կենտրոնական բանկի միջոցով փոխանցել է զոհված և վիրավորում ստացած զինծառայողների տվյալները։ Համակարգային առումով գլոբալ խնդիր չկա»,- հավելեց Մեսրոպ Առաքելյանը։

 Թիվ 1 Դիտարկում | Ի՞նչ է կատարվում բենզինի շուկայում

 Բենզինի շուկայում կատարվող իրադարձությունները մինչ հեղափոխությունը հասարակ սպառողին և քաղաքացիներին այնքան էլ հետաքրքիր չէին, քանզի կառավարվում և պատկանում էին որոշակի շրջանակների, որտեղ գնագոյացման տրամաբանաությունն ու շուկայի ծագումնաբանությունը որևէ վելուծության հնարավոր չէր ենթարկել։

 Ամիսներ առաջ Հայաստանի ամենակարծր և կանխատեսելի ոլորտում տեղի ունեցավ մի գործարք, որը փոխեց խաղի կանոնները և սպառողին առաջարկվեց մրցակցային գին վառելիքի շուկայում։

Ապրիլի 6-ին տեղի ունեցավ ԱԺ Ֆինանսավարկային եւ բյուջետային հարցերի մշտական հանձնաժողովի հերթական նիստը:

ԱԺ պատգամավոր Սերգեյ Բագրատյանի հարցը ՀՀ կենտրոնական բանկի նախագահի տեղակալ Ներսես Երիցյանին վերաբերում էր դրամի արժեզրկմանը: Պատգամավորը հետաքրքրվեց՝ իրավիճակը կառավարելի՞ է, թե ոչ, ինչպե՞ս է նա տեսնում առաջիկայում հնարավոր քայլերը, որպեսզի սահմանաչափը չգերազանցի եւ ազդեցություն չունենա գնագոյացման վրա:

Ներսես Երիցյանը վստահեցրեց, որ դրամի արժեզրկման առնչությամբ իրավիճակը կառավարելի է. «Բնականաբար, կան համաշխարհային զարգացումներ. դոլլարն արժեւորվում է աշխարհի բոլոր վալյուտաների նկատմամբ: Կան դրսից եկող գնաճային տարբեր ճնշումներ, սակայն իրավիճակը կառավարելի է»,-եզրափակեց Երիցյանը: