ԱՄՆ ռազմաօդային ուժերի F-16 կործանիչը երեքշաբթի օրը՝ տեղական ժամանակով ժամը 11:50-ի սահմաններում, Նյու Մեքսիկոյում վթարի է ենթարկվել Հոլոման ավիաբազայի մոտ՝ White Sands ազգային պարկի մոտակայքում։
Այս մասին հայտնում է Fox News հեռուստաալիքին։
Ինքնաթիռում միակ մարդն օդաչուն է եղել, ով բարեհաջող ցած է նետվել և բուժօգնություն է ստանում։ Նրա վիճակի մասին տեղեկություններ դեռ չկան։
Տեղի իշխանությունները նախազգուշացրել են ինքնաթիռից վնասակար քիմիական նյութերի հնարավոր արտանետման մասին և խորհուրդ են տվել հեռու մնալ դեպքի վայրից։ Միջադեպի պատճառով White Sands Park-ի մի մասը փակ է եղել հանրության համար։
Վթարի պատճառները չեն նշվում։ Հեռուստաալիքի տվյալներով՝ սա F-16 կործանիչների երրորդ վթարն է վերջին կես տարում։