Ռուսաստանի պաշտպանության նախարարությունից հայտնել են, որ գիշերը ուկրաինական ուժերը հարվածել են Դաշնության տարածքին: Ութ շրջանի երկնքում հիսուն անօդաչու թռչող սարք է ոչնչացվել։
Թիրախում են եղել Բելգորոդի, Բրյանսկի, Կուրսկի, Տուլայի, Սմոլենսկի, Ռյազանի, Կալուգայի և Մոսկվայի շրջանները։ Բելգորոդի շրջանում բնակելի շենք է վնասվել, երկու խաղաղ բնակիչ զոհվել է։ ԶԼՄ-ները գրում են, որ որոշ շրջաններում էներգետիկ օբյեկտներ են խոցվել:
Կիևն էլ հայտնում է ռուսական հարվածների մասին: Ըստ ուկրաինական կողմի՝ հարված է հասցվել Զապորոժիեի արդյունաբերական ենթակառուցվածքին, պայթյուններ են լսվել Օդեսայում:
