Բաժանորդագրվեք Zarkerak.am-ի տելեգրամ ալիքին։
TRIPP-ի հետ կապված՝ քննարկում ենք ֆինանսավորման տարբերակները, ծրագիրն ամբողջությամբ գտնվում է քննարկման փուլում։
Այս մասին Ազգային ժողովում «2026 թվականի պետական բյուջեի մասին» օրենքի նախագծի նախնական քննարկման ժամանակ ասաց տարածքային կառավարման և ենթակառուցվածքների նախարար Դավիթ Խուդաթյանը՝ պատասխանելով «Հայաստան» խմբակցության պատգամավոր Արթուր Խաչատրյանի հարցին, որը հետաքրքրվում էր՝ արդյո՞ք 2026 թվականի պետական բյուջեում նախատեսված են գումարներ Երասխ-Սադարակ երկաթգծի կառուցման համար:
Խուդաթյանը նշել է, որ ծրագրի հետ կապված՝ որպես այդպիսին, կոնկրետ նորություն չի կարող հայտնել, քանի դեռ քննարկման փուլում է:
«Երկաթուղիների արդիականացման մասով միջոցներ նախատեսված են, բայց Երասխ-Սադարակի մասով բյուջետավորված տող, որպես այդպիսին, չունենք»,- հավելել է Խուդաթյանը:
