Բաժանորդագրվեք Zarkerak.am-ի տելեգրամ ալիքին։
«Հանրապետականները 400 հոգի մարդ չունեն իրենք ընտրություննեին մասնակցեն, իրենք ի՞նչ իմպիչմենթ անեն: Ես անընդհատ զարմանում եմ, թե այդ մարդիկ ոնց են տասնամյակ շարունակ երկիր ղեկավարել էս խելքով»,- ճեպազրույցում այս մասին ասաց ԱԺ փոխնախագահ Ալեն Սիմոնյանը, նա հեգնական նշեց, որ ռեժիմն էլ խուճապի մեջ է և ՔՊ-ի բազմաթիվ պատգամավոր գնացել են ՀՀԿ-ին միանալու:
Ինչ վերաբերում է ՀՀԿ-ից հայտարարություններին, որ իշխանությունը պատրաստվում է դիմել ընտրակեղծիքների, Սիմոնյանը տաօրինակ համարեց, որ ՀՀԿ-ն խոսում է ընտրակեղծիքների մասին, հարց տալով ինչ-որ մեկը հասկա՞ծ ունի, որ 2018-ից առաջ եղել է ընտրակեղծարարություն:
Հարցին, թե ինչպես կմեկնաբանի Սերժ Սարգսյանի հայտարարությունը, թե տագնապած է Մեղրիի ճակատագրով՝ նշեց.«Ես առաջարկում եմ Սերժ Սարգսյանը հաճախ հարցազրույց տա և մասնակցի ընտրություններին, եթե կարող է: Սերժ Սարգսյանին որպես քաղաքական անցյալ եմ վերաբերվում, Սերժ Սարգսյան քաղաքական գործիչ քաղաքական դաշտում գոյություն չունի, ինքը մերժված է, մերժված մնալու է պատմության մեջ: Տագնապներ ունի, թող վալերլյանկա խմի»:
Ինչ վերաբերում է Ռոբերտ Քոչարյան հայտարարությայնը, որ այս պայմաններում միայն նա կարող է կառավարել երկիրը՝ արձագանքեց.«Թող նա կարողանա «Հայաստան» խմբակցությունը ղեկավարի, նա թող ղեկավարելու մասին չխոսի, հասկանում եմ՝ շատ մարդիկ մոռացել են Քոչարյանն իր ղեկավարման տարիներին ինչեր է արել: Նա այլ բան ունի անհանգստանալու, հաջորդ պառլամենտական ընտրություններին ինքը հատելու՞ է շեմը Դաշնակցության հետ, թե իր ամբողջ ընդդիմադիր ռեսուրսը, որ կա, այլ կուսակցություններ են վերցնելու: Իմ տվյալներով, ինքն այդ խնդիրը միանշանակ ունի. ակնհայտ է, որ 2021-ին ընդդիմությանը տված 21 տոկոսը Քոչարյանին ձայն չի տալու, ձայնը տալու է այլ ընդդիմադիր կուսակցության: Վստահ եմ՝2-3 ընդդիմադիր ուժ կարող են հատել անցողիկ շեմը , որոնից 2-ը չեն հատելու կամ դժվարությամբ են հատելու»- ասաց Սիմոնյանն ու ընդգծեց, որ մեկ ուժ է լինելու ընդդիմադիր մեծամասնություն.«Կամ այս նորա ստեղծված տարբերակն է, կամ Ծառուկյանի տարբերակն է, իրենք երկուսով են մրցելու առաջին ընդդիմադիր ուժ լինելու համար»:
