Բաժանորդագրվեք Zarkerak.am-ի տելեգրամ ալիքին։
Zarkerak.am-ն առանձնացրել է անցնող շաբաթվա 7 կարևոր լուրերը:
1. «Այս ընտրություններին կարող են մասնակցել միայն ՀՀ քաղաքացիություն ունեցող անձինք»,- հայտարարել է վարչապետ Նիկոլ Փաշինյանը ՌԴ նախագահ Վլադիմիր Պուտինի հետ հանդիպմանը:
2. Հակակոռուպցիոն կոմիտեն հրապարակել է ձայնագրություն՝ «Մեր ձևով»-ի կողմից ընտրակաշառքի տրամադրման, ստացման և ընտրական շրջանում բարեգործության արգելքի խախտման վերաբերյալ: Կա 5 ձերբակալված: Վաղարշապատի ավագանու ընտրությունների ընտրակաշառքի գործով էլ 62 անձի նկատմամբ քրեական հետապնդում է հարուցվել, հրապարակվել է ձայնագրություն:
3. Սուրբ Աննա եկեղեցում Նիկոլ Փաշինյանի շուրջ միջադեպի մասնակիցներից 18-ամյա Դավիթ Մինասյանը կալանավորվել է 2 ամսով: Մեղադրյալներից մեկի նկատմամբ խափանման միջոց է կիրառվել չբացակայելու արգելքը, իսկ մյուսն ազատ է արձակվել՝ 5 մլն դրամ գրավի դիմաց։
4. «Ուժեղ Հայաստան» կուսակցությունը ընտրություններին կմասնակցի դաշինքով, իսկ ՀՀԿ-ն ընտրություններին չի մասնակցի:
5. Մերձավոր Արևելքում շարունակվում են ռազմական գործողությունները: Թրամփն ասել է, թե Իրանի նախագահը հրադադար է խնդրում, Իրանի ԱԳՆ-ն հերքել է:
6. Ղրիմում ռազմատրանսպորտային ինքնաթիռ է կործանվել, ինչի հետևանքով զոհվել է անձնակազմի վեց անդամ և 23 ուղևոր։
7. Կանխվել է Եգիպտոսի նախագահի դեմ մահափորձը: Ձերբակալվել է «Խասմ» ահաբեկչական խմբավորման առաջնորդը:
