Բաժանորդագրվեք Zarkerak.am-ի տելեգրամ ալիքին։
Երկաթուղին Հայաստանի սեփականությունն է և Հայաստանը պետք է հնարավորություն ունենա այն օգտագործել այնպես, ինչպես հարմար է գտնում: Այս մասին լրագրողների հետ ճեպազրույցի ժամանակ հայտարարել է Հայաստանի վարչապետ Նիկոլ Փաշինյանը՝ անդրադառնալով հարցին, թե արդյոք ՌԴ նախագահ Վլադիմիր Պուտինի հետ վերջին հեռախոսազրույցի ժամանակ քննարկվել է երկաթուղու շահագործման հետ կապված հարցը:
«Ես ուզում եմ շատ հստակ լինել այս հարցով: Այլընտրանք չկա այստեղ: Մենք ուզում ենք բարեկամական ձևով այս խնդիրը լուծել: Բայց կարող է հարցեր ծագեն, և մենք դե յուրե որոշումներ կայացնենք: Եթե անհամաձայնություններ կլինեն, կգնանք արբիտրաժներում կքննարկենք»,-ասաց վարչապետը:
Խոսելով Հայաստան-ԵԱՏՄ հարաբերությունների վերջին զարգացումների մասին, Փաշինյանը ասաց, որ իր գնահատմամբ ԵԱՏՄ-ն կաթվածահար վիճակում է:
«Եթե չի գործում ԵԱՏՄ-ի պայմանագիրը, ապա չի գործում նաև ԵԱՏՄ-ն: Կաթվածահարությունը խորանալու միտումներ է ցուցաբերում: Եթե այս հարցը արագ չլուծվի, ես վստահ եմ, որ Հայաստանը իր առաջ եղած խնդիրները հաղթահարելու է, իսկ ԵԱՏՄ-ն չի հաղթահարելու»,-ասաց Հայաստանի վարչապետը:
