Բաժանորդագրվեք Zarkerak.am-ի տելեգրամ ալիքին։
Մոսկվայի մարզում գիշերն անօդաչու թռչող սարքի հարձակման հետևանքով հինգ մարդ զոհվել է, ևս վեցը՝ վիրավորվել, հայտարարել է նահանգապետ Անդրեյ Վորոբյովը։
«Այսօր առավոտյան ՀՕՊ ուժերը հետ են մղել Մոսկվայի մարզի վրա անօդաչու թռչող սարքի հարձակումը։ Ցավոք, կան զոհեր։ Նախնական տեղեկությունների համաձայն՝ հինգ մարդ զոհվել է, ևս վեցը՝ վիրավորվել։ Բոլոր վիրավորները ստանում են անհրաժեշտ բժշկական օգնություն։ Ես իմ անկեղծ ցավակցությունն եմ հայտնում զոհվածների ընտանիքներին և ընկերներին», - գրել է Վորոբյովը իր Max ալիքում։
Ռուսաստանի պաշտպանության նախարարությունը հայտնել է, որ ռուսական բանակը հարվածել է Չեռնոմորսկի ավտոմոբիլային բաղադրիչների գործարանին և նավահանգստային տերմինալին, որտեղ Ուկրաինայի զինված ուժերը վերանորոգում են ռազմական մեքենաներ։
«Օդեսայի շրջանում ցամաքային բարձր ճշգրտության զենքերի և անօդաչու թռչող սարքերի հարվածների հետևանքով Օդեսայից հարավ ծովային տարանցման ժամանակ ուկրաինական նավահանգիստներ զենք և ռազմական տեխնիկա հասցնող երկու բեռնանավ է խոցվել», - ասվում է հայտարարության մեջ։
