Բաժանորդագրվեք Zarkerak.am-ի տելեգրամ ալիքին։
«2025 թվականը մեր ունեցած ամենահաջող տարին է, որովհետև 2025 թվականի աշխատանքի արդյունքներով բարձրացել են թոշակները, ներդրվել է առողջության ապահովագրության համակարգ և այլն»,-լրագրողների հետ ճեպազրույցում ասաց վարչապետ Նիկոլ Փաշինյանը:
Փաշինյանը նշեց, որ էականորեն կոռուպցիայի մակարդակն իջեցրել են, բայց չեն կարողացել ֆունդամենտալ այդ խնդիրը լուծել և գնում են այդ ճանապարհով. «2025 թվականն ավարտվել է, ինքս ինձ հարց եմ տվել՝ ինչ ենք ստացել 2025 թվականի արդյունքներով, այդ ամենը ստացել են ՀՀ քաղաքացիները, այն քաղաքացիները, որ այսօր 4-5 միլիոն դրամանոց վիրահատության են ենթարկվում և չեն վճարում ոչ մի դրամ, դա բարձր աշխատավարձ ստացող պաշտոնյայի գործունեության արդյունքն է: Հասկանում եմ, որ դա մեծ քաղաքական ռիսկ ու պատասխանատվություն է, ականջահաճո չի, բայց ես վերցրել այդ պատասխանատվությունը և համարում եմ, որ դա ճիշտ ճանապարհ է»:
